Асмаленік

Асма́ленік^[1] (з 1964 году — Уда́рная^[1], з 2004 году — Уда́рнае^[2][a]) — вёска ў Беларусі, каля ракі Каросьцінкі. Цэнтар сельсавету Лельчыцкага раёну Гомельскай вобласьці. Знаходзіцца за 33 км на поўнач ад раённага цэнтру Лельчыцаў.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ударнае.

Асмаленік лац. Asmalenik
Першыя згадкі:	XX стагодзьдзе
Краіна:	Беларусь
Вобласьць:	Гомельская
Раён:	Лельчыцкі
Сельсавет:	Асмаленіцкі
Вышыня:	145 м н. у. м.
Насельніцтва:	568 чал. (2010)
Часавы пас:	UTC+3
Тэлефонны код:	+375 2356
Паштовы індэкс:	247868
СААТА:	3228828041
Нумарны знак:	3
Геаграфічныя каардынаты:	51°57′3″ пн. ш. 28°18′57″ у. д.
Асмаленік на мапе Беларусі ± Асмаленік Асмаленік
Галерэя здымкаў у Вікісховішчы

Гісторыя

Упершыню ўпамінаецца ў пісьмовых крыніцах у пачатку XX стагодзьдзя як хутар Буйнавіцкай воласьці Мазырскага павету.

25 сакавіка 1918 году згодна з Трэцяй Устаўной граматай Асмаленік абвяшчаўся часткай Беларускай Народнай Рэспублікі. 1 студзеня 1919 году згодна з пастановай І зьезду КП(б) Беларусі ён увайшоў у склад Беларускай ССР.

За часамі Другой сусьветнай вайны ў ліпені 1943 году нямецкія захопнікі спалілі ўсю вёску і загубілі 18 жыхароў.

30 ліпеня 1964 году вёску перайменавалі ва Ўдарную^[1], а 17 сьнежня 2004 году — ва Ўдарнае^[3].

Насельніцтва

Дэмаграфія

• XX стагодзьдзе: 1909 год — хутар: 23 двары, каля 140 жыхароў; 1917 год — вёска: 33 двары, 201 жыхар; 1940 год — 51 двор, 253 жыхары; 1998 год — 258 двароў, 881 жыхар; 1999 год — 842 жыхары; 2000 год — 246 двароў, 905 жыхароў
• XXI стагодзьдзе: 2010 год — 568 жыхароў

Інфраструктура

Працуюць сярэдняя школа, Дом культуры, бібліятэка, дзіцячы сад, спартовы комплекс, фэльчарска-акушэрскі пункт, пошта, аддзел банку «Беларусбанк», сталоўка, крама.

Эканоміка

Цэнтар камунальнага сельскагаспадарчага прадпрыемства «Ударнае».

Заўвагі

1. Зьнішчэньне традыцыйнай гістарычнай тапаніміі — адзін з захадаў палітыкі гвалтоўнай русіфікацыі і дэнацыяналізацыі Беларусі (расейскага этнацыду беларусаў)