Багдан Садоўскі

Багдан Садоўскі (нарадзіўся 1 жніўня 1999 году) — беларускі футбаліст, паўабаронца.

Багдан Садоўскі
Пэрсанальная інфармацыя
Нарадзіўся	1 жніўня 1999(1999-08-01) (26 гадоў) Мазыр, Гомельская вобласьць, Беларусь
Рост	169 см
Вага	60 кг[1]
Пазыцыя	нападнік
Клюбы
Гады	Клюб	Гульні (галы)¹
2015—2017	Славія Мазыр	0 (0)
2017—2018	Дынама Берасьце	2 (0)
2018	Энэргетык-БДУ	0 (0)
2019	Смаргонь	15 (1)
2020	Рух Берасьце	10 (0)
2021	Смаргонь	0 (0)

Кар’ера

Выхаванец мазырскага футболу. Некаторы час займаўся таксама ў пастаўскай акадэміі ПМЦ. З 2015 году пачаў гуляць за дубль «Славіі», дзе хутка стаў адным з асноўных гульцоў. У канцы 2016 году атрымаў траўму, празь якую выбыў на 10 месяцаў. У жніўні 2017 году перайшоў у берасьцейскае «Дынама», падпісаўшы кантракт на 2,5 гады^[2]. У берасьцейскім клюбе таксама пачаў гуляць за дубль, а ў 2018 годзе ўжо прыцягваўся да асноўнай каманды новым трэнэрам Аляксеем Шпілеўскім. 16 ліпеня 2018 году дэбютаваў у Найвышэйшай лізе, выйшаўшы на замену ў другім тайме замест Арцёма Мілеўскага ў матчы супраць салігорскага «Шахцёра» (1:3) у прысутнасьці Дыега Марадоны.

У хуткім часе Шпілеўскі быў звольнены, і ў жніўні 2018 году Садоўскі далучыўся да «Энэргетыка»-БДУ^[3][4]. Аднак, неўзабаве атрымаў пашкоджаньне, празь якое выбыў на працяглы час. У выніку пакінуў клюб, гэтак і не згуляўшы за яго^[5]. У ліпені 2019 году, акрыяўшы ад траўмы, склаў працоўную ўгоду з «Смаргоньню»^[6].

У сакавіку 2020 году пасьля прагляду стаў гульцом берасьцейскага «Руху»^[7]. Часьцей заставаўся на лаўцы запасных або выходзіў на замену, часам зьяўляўся ў першай адзінаццатцы каманды, а таксама прыцягваўся да дубля. У лютым 2021 году па заканчэньні кантракту пакінуў каманду^[8]. У ліпені 2021 году зноў далучыўся да «Смаргоні»^[9], аднак ужо празь некалькі тыдняў пакінуў каманду, пасьпеўшы згуляць толькі за дубль.

Статыстыка

Клюб	Сэзон	Чэмпіянат
		Дывізіён	Матчы	Галы
Дынама Берасьце	2018	Найвышэйшая ліга	2	0