Балачанка

Балача́нка — рака ў Беларусі, левы прыток ракі Сьвіслачы (басэйн Дняпра). Цячэ ў Ігуменскім і Пухавіцкім раёнах Менскай вобласьці. Даўжыня 36 км. Плошча вадазбору 418 км². Выдатак вады ў вусьці каля 2,6 м³/с. Сярэдні нахіл воднай паверхні 0,4 ‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Балачанка (неадназначнасьць).

Рака

Балачанка
Агульныя зьвесткі
Выток	каля в. Кобзевічаў
Вусьце	Сьвіслач
Краіны басэйну	Беларусь
Вобласьці	Менская вобласьць
Даўжыня	36 км
Сярэднегадавы сьцёк	2,6 м³/с
Плошча басэйну	418 км²
Нахіл воднай паверхні	0,4 ‰

Асноўныя прытокі

• Правыя: Чарняўка

Агульныя зьвесткі

Пачынаецца за 2 км на поўдзень ад вёскі Кобзевічаў Ігуменскага раёну, вусьце за 2 км на паўднёвы захад ад вёскі Балачанкі Пухавіцкага раёну. Цячэ ў межах Цэнтральнабярэзінскай раўніны.

Даліна ў верхняй плыні невыразная, у сярэдняй і ніжняй трапэцападобная. Абалона раўнінная, двухбаковая, шырынёй 0,5—0,7 км. Ад вытоку на працягу 28 км рэчышча каналізаванае, у нізоўі месцамі зьвілістае, яго шырыня ў верхняй і сярэдняй плыні 3—6 м, у ніжняй 15—17 м. Рака выкарыстоўваецца як водапрыёмнік мэліярацыйных сыстэмаў^[1].