Балачанка (вёска)

Балача́нка^[1] — вёска ў Пухавіцкім раёне Менскай вобласьці Беларусі. Уваходзіць у склад Пухавіцкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Балачанка (неадназначнасьць).

Балачанка
трансьліт. Balačanka
Краіна:	Беларусь
Вобласьць:	Менская
Раён:	Пухавіцкі
Сельсавет:	Пухавіцкі
Насельніцтва:	4 чал. (2009)
Часавы пас:	UTC+3
Тэлефонны код:	+375 1713
Нумарны знак:	5
Геаграфічныя каардынаты:	53°29′0″ пн. ш. 28°20′49″ у. д.
Балачанка на мапе Беларусі ± Балачанка Балачанка

Знаходзіцца за 10 км на паўднёвы ўсход ад раённага цэнтру і чыгуначнай станцыі Пухавічы на лініі Менск-Асіповічы, на рацэ Балачанка.

Гісторыя

Гарадзішча (пачатак 1-га тысячагодзьдзя н. э.) за 1,5-1,7 км на паўднёвы захад ад вёскі, на правым беразе р. Балачанка, урочышча Дубы.

На пачатку ХХ ст. маёнтак у Пухавіцкай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

З 31 ліпеня 1920 году ў БССР. У 1921 годзе адкрыта працоўная школа 1-ай ступені, у якой у 1922 годзе вучыліся 34 хлопчыкі і дзяўчынкі. На пачатку 1930-ых гг. праведзена калектывізацыя, створаны калгас імя В. М. Молатава, працавала кузьня.

У 1937 г. у вёсцы адпачываў Якуб Колас, які апісаў гэтыя мясьціны ў сваіх творах.

З чэрвеня 1941 году да 3 ліпеня 1944 году вёска была пад нямецкай акупацыяй.

Насельніцтва

• 1917 год — 4 двары, 9 жыхароў
• 1926 год — 15 двароў, 83 жыхары
• 2002 год — 3 двары, 5 жыхароў
• 2009 год — 4 чалавекі^[2]

Славутасьці

• Гарадзішча.
• Мэмарыяльная дошка на доме ў якім адпачываў і працаваў Якуб Колас^[3].