Барыс

Барыс — мужчынскае імя.

Паходжаньне

Барыс — усходнеславянскае імя, якое звычайна разглядаюць як кароткую форму імя Барыслаў^[1], утворанага ад асноваў «бароцца» (змагацца) і «слава»^[2][3].

Мовазнаўца Паўла Чучка(uk) прыводзіць іншыя прыклады падобных скаротаў: Багут ад Багуслаў, Вадзім ад Вадзімір, Яраш ад Яраслаў^[4].

Сустракаюцца таксама іншыя вэрсіі паходжаньня імя Барыс: ад «барацьбы» з даданьнем грэцкага суфіксу -іс^[4]; ад імя баўгарскага водцы Багарыса, ахрышчанага ў 864 годзе^[5]; ад фракійскага прыметніка boris / buris 'мужны, вялікі'^[4].

Носьбіты

• Барыс Уладзімеравіч (990-я — 1015) — князь растоўскі, Сьвяты
• Рагвалод-Барыс Усяславіч (1040-я — 1128) — князь полацкі, заснавальнік места Барысава
• Барыс Юр’евіч (1120-х—1159) — князь белгародзкі, тураўскі і кідэкшанскі
• Барыс Давыдавіч (1130-я — 1186) — князь полацкі
• Барыс — ліцьвін, які ўпамінаецца поруч зь Вітаўтам у 1394 годзе^[6]
• Барыс Гінтаўтавіч — літоўскі баярын^[7]
• Барыс Гадуноў (1552—1605) — гаспадар Маскоўскай дзяржавы
• Барыс Кіт (1910—2018) — беларускі і амэрыканскі навуковец

Глядзіце таксама

• Барысаў