Бастыян Швайнштайгер

Ба́стыян Швайншта́йгер (па-нямецку: Bastian Schweinsteiger; нар. 13 сакавіка 1989 году, Кальбэрмоор, ФРН) — колішні нямецкі футбаліст, які выступаў большую частку сваёй кар’еры за «Баварыю» і нацыянальную зборную Нямеччыны на пазыцыі паўабаронцы. Чэмпіён сьвету 2014 году. Адзін з самых тытуляваных гульцоў Нямеччыны.

Бастыян Швайнштайгер
Пэрсанальная інфармацыя
Нарадзіўся	1 жніўня 1984(1984-08-01) (41 год) Кольбермар[d], раён Розенгайм[d], Верхняя Баварыя[d], Баварыя, Нямеччына
Рост	183 см
Вага	77 кг
Пазыцыя	паўабаронца
Клюбы
Гады	Клюб	Гульні (галы)¹
2001—2005	Баварыя II[d]	33 (2)
2002—2015	Баварыя	342 (45)
2015—2017	Манчэстэр Юнайтэд	18 (1)
2017—2019	Чыкага Файр	85 (8)
Зборныя
2004	Нямеччына (да 21)[d]	7 (2)
2004—2016	Нямеччына	121 (24)

Клюбная кар’ера

Бастыян прабіўся ў склад першай каманды з шэрагаў баварскага дубля. У аснову футбаліст пачаў трапляць пачынаючы з сэзону 2002—2003 гадоў. З сэзону 2004—2005 гадоў ён стаў гульцом асноўнага складу, правяўшы ў сэзоне ў Бундэсьлізе 26 гульняў і адзначыўшыся 3 мячамі. Але потым трэнэр «Баварыі» Фэлікс Магат з-за дрэннай працы на трэніроўках спаслаў юнака ў «Баварыю-2». Аднак празь некалькі месяцаў галоўны трэнэр зноў вярнуў Бастыяна ў асноўны склад. Швайнштагер выступаў дастаткова добра й стабільна, мала забіваючы, але аддаючы выдатныя пасы. Асноўная пазыцыя Швайнштайгера ў гэтыя часы ёсьць флянг паўабароны.

З прыходам у клюб у якасьці трэнэра Люі ван Гааля, Швайнштайгер перакваліфікаваўся з ўінгера ў нядрэннага цэнтральнага паўабаронцу й з сэзона 2009—2010 гадоў, стаўся адным з самых пасьпяховых у ягонай кар’еры. Ён і ягоны аднаклюбнік Марк ван Бомэль склалі моцны зьвязак цэнтархаваў, які некаторыя футбольныя спэцыялісты называлі наймацнейшым у Нямеччыне^[1]. Сваёй хвацкай гульнёй, а таксама лідэрскімі якасьцямі, Бастыян забясьпечыў сабе ня толькі сталае месца ў аснове клюбу, але й званьне другога віцэ-капітана, а пасьля сыходу Марка, і першага віцэ-капітана.

Улетку 2010 году ў трансфэры Швайнштайгера былі зацікаўленыя «Рэал Мадрыд», «Чэлсі» й «Ювэнтус»^[2]. Аднак Швайнштайгер паведаміў, што падоўжыў кантракт з клюбам да 2016 году. Па стане на 12 студзеня 2011 году трансфэрны кошт гульца складае 40 мільёнаў эўра, пры тым, што «Чэлсі» быў гатовы купіць гульца за 60 мільёнаў^[3].

25 красавіка 2012 году Швайнштайгер забіў пераможны гол у сэрыі пэнальці ў паўфінале Лігі чэмпіёнаў, што дазволіла «Баварыі» прасунуцца да фіналу, аднак трываць там паразу ад лёнданскага «Чэлсі».

Кар’ера ў зборнай

У асноўнай зборнай Нямеччыны з 2004 году. Першыя 2 галы за зборную забіў 8 чэрвеня 2005 году ў таварыскім матчы супраць зборнай Расеі.

Дасягненьні

Клюбныя

«Баварыя»:

• Чэмпіён Нямеччыны (8): 2003, 2005, 2006, 2008, 2010, 2013, 2014, 2015
• Уладальнік Кубка Нямеччыны (7): 2003, 2005, 2006, 2008, 2010, 2013, 2014
• Уладальнік Кубка нямецкае лігі (2): 2004, 2007
• Уладальнік Супэркубка Нямеччыны (2): 2010, 2012
• Пераможца Лігі чэмпіёнаў: 2013
• Уладальнік Супэркубка Эўропы: 2013
• Пераможца клюбнага чэмпіянату сьвету: 2013

«Манчэстэр Юнайтэд»:

• Уладальнік Кубка Ангельшчыны: 2016

Міжнародныя

Нямеччына:

• Чэмпіён сьвету: 2014
• Бронзавы прызэр чэмпіянату сьвету (2): 2006, 2010