БелГазета

«БелГазета» — інфармацыйна-аналітычная расейскамоўная газэта, выходзіць штотыдзень у Беларусі^[1][2]. Да верасьня 2005 году — «Беларуская газета»^[3].

БелГазета
Тып	інфармацыйна-аналітычная
Фармат	A3
Галоўны рэдактар	Ігар Высоцкі
Заснаваная	1995
Мова	расейская
Штаб-кватэра	Менск, вуліца Кальварыйская, 33, офіс 46
Наклад	7010
Афіцыйны сайт	www.belgazeta.by

Займаецца асьвятленьнем падзеяў эканамічнага, унутрыпалітычнага, дзелавога, культурнага, грамадзкага, міжнароднага жыцьця Беларусі і блізкага замежжа (Расея, Украіна, краіны Балтыі). Асноўная тэматыка: дзяржава, палітыка, эканоміка, бізнэс, кампаніі і рынкі, грамадзтва, здарэньні, крымінал, шоў-бізнэс, культура.

Забароны

25 жніўня 2020 году Беларускі дом друку адмовіўся друкаваць свежы нумар «БелГазеты» быццам з-за паломкі станка^[4][5]. У гэтыя ж тэрміны й па той жа прычыне не выйшлі ў сьвет тры нумары «Комсомольской правды в Белоруссии» й па нумару «Народнай волі» й «Свободных новостей плюс» — усе чатыры газэты асьвятлялі пратэсты ў Беларусі^[6][7].

Станам на студзень 2021 году з прычыны адмовы беларускіх друкарняў друкаваць, а «Белпошты» ды «Белсаюздруку» распаўсюджваць, «БелГазета» па-ранейшаму не друкуецца^[8][9].