Беларуская вайсковая камісія па арганізацыі беларускіх вайсковых часьцей на Румынскім фронце

Беларуская вайсковая камісія па арганізацыі беларускіх вайсковых часьцей на Румынскім фронце — орган, які павінны быў стварыць беларускія вайсковыя часткі ў складзе войска Расейскай дзяржавы. Створаны 9 студзеня 1918 году загадам № 1332 памочніка галоўнага камандоўца арміямі Румынскага фронту генэралам ад інфантэрыі Шчарбачовым.

Беларуская вайсковая камісія па арганізацыі беларускіх вайсковых часьцей на Румынскім фронце
Беларуская Вайсковая Камісыя па арганізацыі Беларускіх вайсковых часьцей на Румынскім фронце
Дата ўтварэньня	9 студзеня 1918 (107 гадоў таму)
Мэта	стварэньне беларускіх вайсковых частак
Месцазнаходжаньне	Румынскі фронт
Дзейнічае ў рэгіёнах	Малдова
Старшыня	Генэрал-маёр Восіп Пажарскі
Сакратар	Паручнік Ленчыёні (Ленчыёлі)

Дзейнічала на тэрыторыі Каралеўства Румыніі й Малдаўскае Рэспублікі. Падпарадкоўвалася Цэнтральнай беларускай вайсковай радзе ў Менску і інтарнацыянальнай «Нацыянальна-тэрытарыяльнай дэмакратычнай арганізацыі фронту» з прадстаўнікоў-камісараў УНР, Армэніі, Малдовы, Польшчы, ад мусульман, Летувы, Эстоніі, ад казакаў, Грузіі, ад сыбіракоў. Беларусь прадстаўляў Павал Данатавіч Манцэвіч.

Дзейнасьць

2 лютага 1918 году загадам № 1436 з 4-га Армейскага корпусу пачалося фармаваньне Беларускай дывізіі расейскага войска на тэрыторыі Малдаўскай Рэспублікі і Румыніі. Дывізію плянавалі перакінуць у лютым 1918 году ў Менск на дапамогу Цэнтральнай беларускай вайсковай радзе дзеля барацьбы з польскімі баявікамі з мэтай распаўсюджаньня беларускай улады на ўсё места. Але не атрымалася. Дывізія была інтэрнаваная Каралеўствам Румыніяй.

Сябры

Старшыні камісіі

• Генэрал-маёр Восіп Пажарскі (9 студзеня—17 студзеня 1918 году).
• Падпалкоўнік Бітэнбіндэр (Біттэнбіндэр^[1]; з 24 лютага 1918 году).

Сакратары^[a]

• Паручнік 117-га пяхотнага Яраслаўскага палку Ленчыёні (Ленчыоні (Ленчыолі)^[1]; 9 студзеня—17 студзеня 1918 году).

Сябры

• Падпалкоўнік 4-га марскога палку Чуніхін (зь 9 студзеня1918 году).
• Штабс-капітан 481-га пяхотнага Мяшчэрскага палку Манцэвіч (зь 9 студзеня1918 году).
• Штабс-ротмістар 11-га Ізюмскага гусарскага палку Пажарскі (зь 9 студзеня1918 году).
• Паручнік 117-га пяхотнага Яраслаўскага палку Гаранскі (зь 9 студзеня1918 году).
• Старшыня франтавое Беларускай Рады па назначэньні апошняй (зь 9 студзеня1918 году).
• Падпалкоўнік Загароўскі (з 24 лютага 1918 году).
• Штабс-капітан Гарц (Гартц^[1];з 24 лютага 1918 году).

Заўвагі

1. У дакумэнтах, якія былі апублікаваныя ў «Крывічы» пасада напісаная ў форме «сэкрэтар»