Беларуская хата (1926)

«Белару́ская ха́та» — заходнебеларуская газэта орган незалежнай дэмакратычнай Беларускай думкі. Выдавалася з 7 кастрычніка 1926 году ў Вільні на беларускай мове раз на тыдзень. Выданьне спынена на № 3 19 снежня 1926. Друкарня «Новачэсна» Біскупья 12, Вільня.

Беларуская хата
Тып	часопіс
Выдавец	Т-ва «Беларуская хатка ў Вільні»
Галоўны рэдактар	Аляксей Кабычкін, М. Малейка
Заснаваная	7 кастрычніка 1926
Закрытая	1926
Палітыка	орган незалежнай дэмакратычнай думкі
Мова	беларуская
Штаб-кватэра	Вільня, Завальная вул. 7; Сьв. Анны 2; Вялікая вул. 56;

Зьмест

Рубрыкі — агляд прэсы, апошнія навіны, бібліяграфія, за тыдзень, палітычная хроніка, тутэйшая хроніка. На старонках газэты зьмяшчаліся навіны з Польшчы й з-за мяжы, інфармацыя «З украінскага жыцьця», юрыдычныя й гаспадарчыя парады^[1]. Артыкул «У 20-я ўгодкі беларускай прэсы» у першым нумары газэта прысьвяціла першай легальнай беларускай газэты «Наша доля», у якім паведамлялася, што праз 20 гадоў колькасьць беларускіх пэрыядычных часопісаў і газэт дасягнула 119 і 35 аднадзёнак, і артыкул ў сувязі з 20-годдзем паэтычнай дзейнасьці Якуба Коласа^[2]. Крытычны нарыс Макара Краўцова пра творчасьць Натальлі Арсенневай падпісан псэўдонімам Язэп Сьвятазар^[3]. Апавяданьне пад псэўдонімам Г-ка «Татунькіна місія»^[4][5]. Байкі Балеслава Друцкага^[6][7].

Рэдактары-выдаўцы

Рэдактары-выдаўцы — Аляксей Кабычкін №№ 1, 2 й М. Малейка. № 3.