Беларускі індустрыяльны банк

Адкрытае акцыянэрнае таварыства «Белару́скі індустрыя́льны банк» — колішні камэрцыйны банк у Рэспубліцы Беларусь, заснаваны ў 1991 року. У 2010 увайшоў у склад «Тэхнабанку».

Беларускі індустрыяльны банк
Тып	Адкрытае акцыянэрнае таварыства
Заснаваная	1991
Краіна	Беларусь
Разьмяшчэньне	Беларусь
Галіна	банкаўская
Прадукцыя	банкаўскія паслугі

Рэквізыты

S.W.I.F.T. — BEIN BY 22. МФА — 153001725. АДР — 100195493. УНП — 100195493^[1].

Дзейнасьць

Галоўны офіс разьмяшчаўся па адрасе 220004, Менск, вул. Мельнікайтэ, 8^[1].

Мінуўшчына

31 кастрычніка 1991 року^[2] зарэгістраванае ТАА «Камэрцыйны банк прафсаюзаў Рэспублікі Беларусь „Прафбанк“». Заснавальнікамі сталі 52 прафарганізацыі^[3].

У 1995 банк рэарганізаваны ў АКБ «Прафбанк», у 1999 — у АКБ «Беларускі індустрыяльны банк». З кастрычніка 1999 — ААТ «Беларускі індустрыяльны банк».

12 сакавіка 2003 году Кіраўніцтва Нацыянальнага банку Рэспублікі Беларусь зацьвердзіла Пастанову аб адкліканьні ў «Беларускага індустрыяльнага банка» з 20 сакавіка 2003 году дазволу на прыцягненьне ва ўклады сродкаў фізычных асобаў у сувязі зь невыкананьнем эканамічнага нарматыву ўласнага капіталу, які складаў 10 мільёнаў эўра^[4]. 31 траўня 2010 року^[2] Беларускі індустрыяльны банк далучыўся да «Тэхнабанку»^[5].