Беларусь (радыё)

Ра́дыё «Белару́сь» — дзяржаўная радыёстанцыя Беларусі, заснаваная ў 1962 годзе.

Радыё «Беларусь»
Горад	Менск
Краіна	Беларусь
Фармат	навіновы
Частасьць	FM: Берасьце — 96,4; Горадня — 96,9
Мачта	Ракітніца[1]
Магутнасьць	2 кіляваты
Час вяшчаньня	кругласутачна
Зона вяшчаньня	захад Беларусі
Пачатак працы	11 траўня 1962 (63 гады таму)
Заснавальнік	Белтэлерадыёкампанія
Уласьнік	Белтэлерадыёкампанія
Кіраўнікі	Навум Гальпяровіч
Сайт	radiobelarus.by
Facebook	Radio Belarus
YouTube	Radio Belarus
Он-лайн-трансьляцыя	stream2.datacenter.by

Да зьяўленьня нямецкамоўных перадачаў у сакавіку 1985 году вяшчала выключна па-беларуску^[2]. У 1998 годзе дадалося ангельска- і расейскамоўнае вяшчаньне, у 2006-м — польскамоўнае, у 2010-м — гішпанска- і францускамоўнае. У студзені 2005 году пачалося сеціўнае вяшчаньне^[3]. Мае перадачу з урокамі беларускай мовы для замежных небеларускамоўных слухачоў^[4]. На 12 траўня 2007 году мела 27 супрацоўнікаў і 19 гадзінаў вяшчаньня за суткі: 9 — у этэры, 10 — у сеціве па-ангельску^[5].

Перадачы

• Беларусы ў сьвеце^[6] (аўтар Тацяна Гаргалык);
• Беларусь ад «А» да «Я»^[7] (аўтар Алесь Бадак);
• Беларусь прапануе^[8] (аўтар Алесь Бадак);
• Беларусь у люстэрку падзеяў (аўтар Тацяна Чабатар);
• Дзень за днём (вядоўца Аляксей Кулік);
• З каранёў славянскіх^[9] (аўтар Тацяна Сівец)
• З парлямэнцкай залы (вядоўца Вячаслаў Мацюшэнка);
• Магія слова^[10] (аўтар Алесь Бадак);
• На абсягах культуры (вядоўца Вольга Блажэвіч)
• На службе Айчыне^[11] (аўтар Раман Яніў);
• Нараджэньне зоркі (вядоўца Зьміцер Абрамчык);
• Пад зоркай юнацтва (вядоўца Тацяна Валасьнік);
• Сацыяльнае партнэрства^[12] (аўтар Рыгор Міцюшнікаў);
• Спартовая панарама^[13] (аўтар і вядоўца Яўген Калечыц);
• Геастратэгія: у кантэксьце супрацоўніцтва^[14] (аўтар Аляксей Кулік).