Алесь Бадак

Беларускі пісьменьнік From Wikipedia, the free encyclopedia

Алесь Бадак
Remove ads

Але́сь Бада́к (28 лютага 1966, в. Туркі, Ляхавіцкі раён, Берасьцейская вобласьць, Беларусь) — беларускі пісьменьнік, паэт-песеньнік, публіцыст, крытык. Аўтар больш як дзесяці паэтычных кніг, шматлікіх крытычных артыкулаў і рэцэнзіяў, а таксама тэкстаў песень[1].

Хуткія факты Асабістыя зьвесткі, Нарадзіўся ...
Remove ads

Біяграфія

Thumb
На пасадзе намесьніка дырэктара РВУ «Выдавецкі дом „Звязда“»

Нарадзіўся ў сям’і рабочага. У школе цікавіўся творчасьцю Сяргея Ясеніна, потым Андрэя Вазьнясенскага, Якуба Коласа. У 1983 годзе пасьля заканчэньня школы паступіў на філялягічны факультэт Беларускага дзяржаўнага ўнівэрсытэту. Служыў у Савецкай Арміі (1984—1986). Пасьля дэмабілізацыі працягнуў вучобу ва ўнівэрсытэце, які скончыў у 1990 годзе[2]. У тым жа годзе прыняты ў Саюз пісьменьнікаў Беларусі.

Працаваў пазаштатным карэспандэнтам-арганізатарам Бюро прапаганды мастацкай літаратуры Саюзу пісьменьнікаў Беларусі (1990—1991), рэдактарам аддзелу, адказным сакратаром, намесьнікам галоўнага рэдактара часопіса «Бярозка» (1991—2001), рэдактарам аддзелу часопіса «Полымя» (2001—2002), загадчыкам аддзелу прозы, адказным сакратаром, намесьнікам галоўнага рэдактара часопіса «Маладосць» (2002—2009). У 2009—2014 гадах галоўны рэдактар часопіса «Нёман». З 2014 году галоўны рэдактар часопіса «Полымя».

У 2009—2012 гадах адначасова 1-ы намесьнік дырэктара Рэдакцыйна-выдавецкай установы «Літаратура і мастацтва». З 2012 году намесьнік дырэктара РВУ Выдавецкі дом «Звязда». З 2015 году дырэктар выдавецтва «Мастацкая літаратура».

Remove ads

Творчасьць

Пачынаў, як паэт. Зь першымі вершамі выступіў у друку ў 1979 годзе[2] (газэта «Піянер Беларусі»). Пачаў журналісцкую дзейнасьць у газэце «Будаўнік камунізму» (цяпер «Ляхавіцкі весьнік»). На пачатку 1990-х гадоў напісаў вельмі шмат песень. Гэта быў пік працы А. Бадака як паэта-песеньніка. На вершы аўтара складалі песьні Аляксандар Саладуха, Анатоль Ярмоленка, Алеся. Алесь Бадак зьяўляецца ляўрэатам рэспубліканскіх конкурсаў песьні[2].

У 2003 годзе быў у ліку першых ляўрэатаў літаратурнай прэміі «Залаты апостраф»[3]. Пазьней пачынае выдаваць прозу і творы для дзяцей. Выступае актыўным прапагандыстам дзіцячай літаратуры, зьяўляецца адным з арганізатараў клюбу дзіцячых пісьменьнікаў.

У апошнія гады часьцей выступае ў пэрыядычным друку зь літаратурна-крытычнымі артыкуламі і рэцэнзіямі.

Remove ads

Бібліяграфія

Зборнікі паэзіі

  • «Будзень» (1989)
  • «За ценем самотнага сонца : Вершы і песні» (Мн., Мастацкая літаратура, 1995)
  • «Маланкавы посах : Кніга лірыкі» (2004)

Літаратурныя творы для дзяцей

  • «Мы купілі кракадзіла : Вершы» (1995, у суаўтарстве з В. Шніпам)
  • «Маленькі чалавек у вялікім свеце : Кніга для бацькоў, дзядуль, бабуль і выхавацеляў дзіцячых садкоў» (1995)
  • «Верабей з рагаткай : Казкі, вершы, лічылкі» (1999)
  • «Незвычайнае падарожжа ў краіну ведзьмаў : Аповесці-казкі» (2001)
  • «Расліны : батанічныя эцюды» (2008)
  • «Жывёлы : заалагічныя эцюды»(2009)
  • «Птушкі : заалагічныя эцюды» (2010)
  • «Насякомыя : заалагічныя эцюды» (2011)
  • «Водны свет : заалагічныя эцюды» (2012)
  • «Зорка для вавёркі» (2015)

Апавяданьні

«Інструкцыя па спакушэнні замужніх жанчын» (газ. «Літаратура і мастацтва», 2008; псыхалягічная драма)

У перакладзе на расейскую мову

  • Бадак, А. О тебе и тех, кто рядом : для любящих и предусмотрительных родителей и педагогов, а также для любознательных детей : пособие для педагогов учреждений, обеспечивающих получение дошкольного образования / А. Бадак. — Минск : Лексис, 2005. — 31 с.
  • Бадак, А. Невероятные истории из жизни волшебников : сказочные повести / А. Бадак. — Минск : Літаратура і Мастацтва, 2011. — 204 с.

Прызнаньне

  • Ляўрэат прэміі «Залаты апостраф» (2003)
  • Ляўрэат прэміі «Залаты купідон» за найлепшую кнігу году ў намінацыі «Публіцыстыка» (2008; за кнігу «Расліны: батанічныя эцюды»)
  • Ляўрэат прэміі СНД «Зоркі Садружнасці» (разам з А. Карлюкевічам) (2014)
  • Ляўрэат прэміі Васіля Віткі (2015)

Літаратура

Remove ads

Крыніцы

Loading related searches...

Wikiwand - on

Seamless Wikipedia browsing. On steroids.

Remove ads
Remove ads