Белыя Росы. Вяртаньне

«Белыя Росы. Вяртаньне» (па-расейску: Белые росы. Возвращение) — беларускі мастацкі фільм, сфільмаваны на кінастудыі «Беларусьфільм». Прэм’ера ў Беларусі адбылася 13 кастрычніка 2014 году.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Белыя Росы.

Белыя Росы. Вяртаньне
Белые Росы. Возвращение
Жанр	камэдыя
Рэжысэр	Аляксандра Бутар
Сцэнарыст	Аляксандра Бутар Аляксей Дудараў
У ролях	Юозас Будрайціс[d] Мікалай Карачанцаў Павал Харланчук Віктар Манаеў Андрэй Ільіч Мярзлікін[d] Q112989627?
Апэратар	Алег Гірэль
Вытворчасьць	Беларусьфільм
Дата выхаду	2014
Працягласьць	98 хвіліна
Краіна	Беларусь
Мова	расейская
Папярэдні	«Белыя Росы» (1983)
Старонка на IMDb

Сюжэт

Андрэй Ходас (Юозас Будрайціс) вяртаецца з гораду ў родныя мясьціны. Два бізнэсоўцы намерваюцца выкупіць маляўнічы куток для новага будаўніцтва і намагаюцца высяліць Андрэя ды іншых нешматлікіх насельнікаў вёскі. Ратуючы родную зямельку, Андрэй дапамагае разьвязаць праблемы, што здаваліся невырашальнымі.

У ролях

• Юозас Будрайціс — Андрэй Ходас
• Павал Харланчук
• Сяргей Жбанкоў — Русачэнка
• Ганна Палупанава — Галюня
• Андрэй Мярзьлікін
• Віктар Манаеў — Струк
• Юлія Сьмірнова — Ганна
• Вячаслаў Разьбягаеў
• Яўгенія Жуковіч — Паліна
• Жорж Дэўдарыяні — нямецкі інвэстар
• Мікалай Карачанцаў — Васіль Ходас

Дадатковыя зьвесткі

У фільме паўдзельнічалі Ірына Ягорава-Каўрыга і Мікалай Карачанцаў, якія здымаліся і ў першай частцы. Адметна, што гэта першая роля Карачанцава пасьля амаль дзесяцігадовага перапынку ў ягонай творчасьці, зьвязанай з аднаўленьнем актора пасьля сур’ёзнай аўтамабільнай аварыі^[1], у якую ён трапіў у лютым 2005 року.