Бродня

Бро́дня — рака ў Смалявіцкім і Барысаўскім раёнах Менскай вобласьці Беларусі, правы прыток ракі Бярэзіны (басэйн Дняпра). Даўжыня 33 км. Плошча вадазбору 214 км². Выдатак вады ў вусьці каля 1,4 м³/с. Сярэдні нахіл воднай паверхні 0,8‰.

Рака

Бродня
Агульныя зьвесткі
Выток	каля в. Прысынак
Вусьце	Бярэзіна
Краіны басэйну	Беларусь
Вобласьці	Менская вобласьць
Даўжыня	33 км
Сярэднегадавы сьцёк	1,4 м³/с
Плошча басэйну	214 км²
Нахіл воднай паверхні	0,8 ‰

Асноўныя прытокі

• Правыя: Сойка
• Левыя: Каўпеніца

Агульныя зьвесткі

Пачынаецца за 2 км на паўночны ўсход ад вёскі Прысынак Смалявіцкага раёну, упадае ў Бярэзіну каля вёскі Вялікае Стахава Барысаўскага раёну. Цячэ пераважна Верхнебярэзінскай нізінай.

Даліна ў верхняй плыні трапэцападобная (шырыня 3—4 км) са спадзістымі схіламі; у сярэдняй і ніжняй плынях невыразная, зьліваецца з далінамі рэчак Гайна і Бярэзіна. Абалона забалочаная, у верхняй плыні шырынёй 0,3—0,8 км, у ніжняй зьліваецца з прылеглай мясцовасьцю. Рэчышча ад вытоку на 12 км каналізаванае, ніжэй слаба мэандруе. Шырыня ракі ў межань у верхняй плыні 1—3 м, сярэдняй 4—8 м, ніжняй 8—12, у вусьці 15—17 м. Берагі невысокія, часта пераходзяць у абалону, забалочаныя^[1].