Брусята

Бруся́та — рака ў Крупскім і Бярэзінскім раёнах Менскай вобласьці, левы прыток ракі Бярэзіны (басэйн Дняпра). Даўжыня 37 км. Плошча вадазбору 340 км². Выдатак вады ў вусьці 2,3 м³/с. Сярэдні нахіл воднай паверхні 0,7‰.

Рака

Брусята
Агульныя зьвесткі
Выток	возера Нерыб
Вусьце	Бярэзіна
Краіны басэйну	Беларусь
Вобласьці	Менская вобласьць
Даўжыня	37 км
Сярэднегадавы сьцёк	2,3 м³/с
Плошча басэйну	340 км²
Нахіл воднай паверхні	0,7 ‰

Асноўныя прытокі

• Правыя: Вузьніца
• Левыя: Плаўня

Агульныя зьвесткі

Пачынаецца з возера Нерыб у Крупскім раёне, упадае ў Бярэзіну за 2 км на захад ад вёскі Журоўка Бярэзінскага раёну. Цячэ Цэнтральнабярэзінскай раўнінай.

Даліна ў вярхоўі невыразная, у сярэдняй і ніжняй плыні трапэцападобная, шырынёй да 2 км. Абалона пераважна двухбаковая, яе шырыня 0,3—0,5 км, месцамі да 0,8 км. Рэчышча ў верхняй і сярэдняй плынях каналізаванае і выпрастанае на 27 км. Шырыня ракі ў межань 8—10 м^[1].