Будзьма беларусамі!

Будзьма беларусамі! — грамадзка-культурніцкая кампанія, скіраваная на папулярызацыю беларускай культуры.

Budzma.org
Слоган	Будзьма беларусамі! Будзьма разам!
Тып	вэб-сайт і некамэрцыйная арганізацыя
Даступныя мовы	беларуская мова
Пачатак працы	1 кастрычніка 2008
Актуальны стан	актыўны
Рэйтынг Alexa	Alexa
budzma.org

Budzma.org — беларускі інтэрнэт-рэсурс, частка грамадзка-культурнай кампаніі «Будзьма!». Распачаў сваю працу 1 кастрычніка 2008 году.^[1] Фактычна зьяўляецца блогам, на якім кожны карыстальнік можа пакідаць свае допісы ды знаходзіць патрэбную інфармацыю пра кампанію^[2].

Ідэя кампаніі

Ідэя кампаніі — аб’яднаць беларусаў праз станаўленьне павагі да сябе, сваёй культуры, мовы, гісторыі й усьведамленьня сваёй адметнасьці^[3].

Мэты кампаніі

1. Абудзіць у жыхароў Беларусі інтарэс да культуры сваёй краіны.
2. Заахвоціць беларусаў да ўсьведамленьня беларускай культуры як уласнай каштоўнасьці.
3. Мы хочам, каб жыхары нашай краіны прамаўлялі слова «беларус» з годнасьцю.
4. Аб’яднаць беларусаў^[3].

Рэалізацыя кампаніі

Шматлікія культурныя і асьветніцкія акцыі па ўсёй Беларусі:

1. Лекцыі па беларускай гісторыі ды культуры
2. Канцэрты беларускіх музыкаў і гуртоў
3. Выставы найлепшых мастакоў Беларусі
4. Сустрэчы зь пісьменьнікамі
5. Прэзэнтацыі кніг, часопісаў і музычных праектаў^[3].

Праекты

1. «Аднак!» — штогадовы фэстываль беларускамоўнай рэклямы й камунікацыі
2. «Быць беларусам — што гэта значыць?» — супольны праект Budzma.org i Tut.by^[4]
3. «Культура паляпшае жыцьцё» — камунікацыйная праграма
4. «Budzma The Best Rock / Budzma The Best Rock/New», «Тузін. Перазагрузка» й «Будзьма! Тузін. Перазагрузка-2» — музычныя праекты
5. «Будзьма беларусамі!» — анімацыйны фільм
6. «Краіна цмокаў» — камунікацыйная праграма
7. Як я стаў беларусам^[5]
8. Кнігагляд^[6]
9. Паганства^[7]
10. Чорна-белыя вершы^[8]
11. Турыстычная Беларусь^[9]

Узнагароды й прэміі

• Люблю Беларусь (2010)^[10]

Глядзіце таксама

• Будзьма беларусамі (мультфільм)