Тузін. Перазагрузка

Тузін. Перазагрузка — альбом-складанка 12 беларускіх ангельскамоўных, расейскамоўных і італьянамоўных гуртоў і сольных выканаўцаў, якія зрабілі кавэры на свае песьні на беларускай мове^[1][2]. Кампакт-дыск выдадзены грамадзкай кампаніяй Будзьма беларусамі! сумесна з музычным парталам Tuzin.fm пры падтрымцы Згуртаваньня беларусаў сьвету «Бацькаўшчына» й Беларускага Радыё Рацыя ў сьнежні 2009 году^[3]. Ідэя Сяргея Будкіна^[4][5][6].

Тузін. Перазагрузка
Складанка
Выдадзены	2009
Запісаны	2009
Жанр	поп-рок
Працягласьць	41 хв.
Выдавец	Будзьма беларусамі!, Tuzin.fm
Прадусар	Сяргей Будкін
Храналёгія
	Тузін. Перазагрузка (2009)	Будзьма! Тузін. Перазагрузка-2 (2011)

Сьпіс кампазыцыяў

№	Назва	Словы	Музыка	Арыгінал	Працягласьць
1.	«У свеце не адны» (Atlantica)	Віталь Воранаў	Алекс Дэвід	па-ангельску: It’s Not About Us	3:39
2.	«Бяжы» (Анастасія Шпакоўская, Naka)	Сяргей Балахонаў	Naka	па-расейску: Беги	3:23
3.	«У неба» (Нестандартный Вариант)	Сяргей Балахонаў	Зьміцер “Міх” Міхневіч, А. Піражэнка	па-расейску: В небе	3:59
4.	«Новы мост» (Бенька, Серебряная свадьба)	Бенька, Сяргей Балахонаў, Вікторыя Дашкевіч	Серебряная свадьба	па-расейску: Новый мост	4:25
5.	«Маці» (Сердце дурака)	Цімафей Яравікаў	Цімафей Яравікаў	–[a]	2:34
6.	«Пад купалам нябёс» (The Stokes)	Глеб Лабадзенка	The Stokes	па-расейску: Под куполом небес	4:08
7.	«Запалкі» (Дакота)	Глеб Лабадзенка	Дакота	па-расейску: Спички	3:44
8.	«Студзень» (Hair Peace Salon)	Віталь Воранаў	Hair Peace Salon	па-ангельску: Ice Age	3:29
9.	«My Babe» (Tanin Jazz)	Віталь Воранаў	Таццяна Гарошка	па-ангельску: My Baby	4:21
10.	«Трыюмф волі» (Сяргей Пукст)	Андрэй Хадановіч	Сяргей Пукст	па-расейску: Триумф воли	1:34
11.	«Каханне не ўзнікла» (Da Vinci)	Алесь Камоцкі	Леанід Шырын	па-італьянску: L’amore non esiste	3:18
12.	«Чароўны кролік» (Юры Дземідовіч)	Сяргей Балахонаў, Юры Дземідовіч	Юры Дземідовіч	па-расейску: Волшебный кролик	2:37

Прыём крытыкаў

Дзьмітры Калдун вызначаў для Tuzin.fm сярод найлепшых песень складанкі «Чароўны кролік» Юры Дземідовіча й «Студзень» «Hair Peace Salon»^[7]. Экспэрт Tuzin.fm Севярын Квяткоўскі падтрымаў усе спробы артыстаў засьпяваць па-беларуску^[8]. Тацьцяна Заміроўская на старонках «БелГазеты» адзначала, што «беларускамоўныя песьні „Atlantica“ й „Da Vinci“ на адным зборніку з „Серебряной свадьбой“ і „Tanin Jazz“» уражваюць^[9].

На цырымоніі Рок-каранацыя 2009 альбом-складанка быў абраны пераможцам у намінацыі «Праект году»^[10].

Алег Міхалевіч, кіраўнік радыё «Сталіца», у лісьце да Будзьма беларусамі! асабліва адзначыў зборнік, бо «ідэя цудоўная»^[11]! Галоўны дырэктар радыёстанцыі «Беларусь» Навум Гальпяровіч таксама падзякаваў за дыск, матэрыялы зь якога, «безумоўна, выклікаюць цікавасьць»^[11]. Дырэктар радыёканалу «Культура» Кацярына Агеева паведаміла, што музычныя рэдактары яе радыё адзначылі выдатную якасьць гуказапісаў і з задавальненьнем прапануюць кампазыцыі слухачам^[11].

У 2018 годзе музычны партал Tuzin.fm разам з Letapis.by уключыў песьню «Бяжы» Анастасіі Шпакоўскай і Naka ў топ «60 беларускамоўных гітоў сучаснасьці» (сьпіс найлепшых песень, выдадзеных з 1988 году)^[12].

Заўвагі

1. Новы наўмысна напісаны для складанкі сьпеў.