Скарбніца (Амсьціслаў)

Скарбніца — помнік архітэктуры канца XIX — пачатку XX ст. у Амсьціславе. Знаходзіцца на гістарычнай Параднай вуліцы^[a]. Твор архітэктуры эклектыкі з элемэнтамі нэаклясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Помнік грамадзянскай архітэктуры
Скарбніца
Будынак былой скарбніцы
Краіна	Беларусь
Места	Амсьціслаў
Каардынаты	54°01′18.26″ пн. ш. 31°43′38.78″ у. д.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Скарбніца на мапе Беларусі Скарбніца
Скарбніца на Вікісховішчы

Гісторыя

Скарбніца (налева), да 1918 г.

Будаваўся ў канцы XIX — пачатку XX ст. з цэглы. У будынку разьмяшчалася скарбніца.

Архітэктура

Помнік эклектычнай архітэктуры з элемэнтамі нэаклясыцызму. Гэта 2-павярховы Г-падобны ў пляне будынак, накрыты двухсхільным вальмавым дахам. Цэнтральны вугал скошаны, паверхня сьцяны скосу завяршаецца атыкам зь люнэтам, вуглы гарызантальна руставаныя. Першы і другі паверхі аддзяляюцца карнізам. Аконныя праёмы лучковыя, на другім паверсе аздабляюцца ліштвамі.

Усярэдзіне мае калідорны плян з адна- і двухбаковым разьмяшчэньнем памяшканьняў^[1].

Заўвагі

1. Цяперашні афіцыйны адрас — вуліца Савецкая, 14