Бэн Фостэр

Бэн Фо́стэр (па-ангельску: Ben Foster; нар. 3 красавіка 1983 году, Лімінгтан-Спа, Ангельшчына) — колішні ангельскі футбаліст, брамнік. Правёў восем матчаў за нацыянальную зборную Ангельшчыны.

Бэн Фостэр
Пэрсанальная інфармацыя
Нарадзіўся	3 красавіка 1983(1983-04-03)[1] (42 гады) Лімінгтан-Спа[d], Ўорыкшыр, Ангельшчына, Вялікабрытанія
Рост	193 см
Вага	79 кг
Пазыцыя	брамнік
Клюбы
Гады	Клюб	Гульні (галы)¹
2000—2001	Расінг Ўорык[d]
2001—2005	Сток Сіці	0 (0)
2002	→ Брыстал Сіці	0 (0)
2002—2003	→ Тывэртан Таўн[d]	16 (0)
2004	→ Стэфард Рэйнджарз[d]	1 (0)
2004	→ Кідэрмінстэр Гарыерз[d]	2 (0)
2005	→ Рэксэм[d]	17 (0)
2005—2010	Манчэстэр Юнайтэд	12 (0)
2005—2006	→ Ўотфард	44 (0)
2006—2007	→ Ўотфард	29 (0)
2010—2012	Бірмінггэм Сіці	38 (0)
2011—2012	→ Ўэст Бромўіч Альбіён	37 (0)
2012—2018	Ўэст Бромўіч Альбіён	172 (0)
2018—2022	Ўотфард	125 (0)
2023	Рэксэм[d]	12 (0)
Зборныя
2007—2014	Ангельшчына	8 (0)

Кар’ера

Клюбная

Фостэр пачаў сваю футбольную кар’еру ў клюбе «Расінг Ўорык» у 2000 годзе, дзе правёў сэзон, перш чым ён далучыўся да «Сток Сіці» 25 красавіка 2001 году пасьля таго, як яго заўважыў скаўт Колін Добсан^[2]. У час свайго знаходжаньня ў «Стоку», Фостэр гуляў па арэндах у клюбах «Брыстал Сіці»^[3], «Кідэрмінстэр Гарыерз»^[4] і «Рэксэм»^[5]. У чэрвені 2003 году Бэн атрымаў траўму крыжападобных зьвязкаў падчас гульні ў тэніс са сваім братам^[6], што сталася прычынай знаходжаньня брамніка па-за футболам на працягу шасьці месяцаў^[7].

Пры гульні за «Рэксэм» Фостэр быў заўважаны трэнэрам «Манчэстэр Юнайтэд» Алексам Ферг’юсанам. «Юнайтэд» некалькіх гадоў шукаў брамніку на зьмену Пэтэру Шмэйхэлю, і Фэрг’юсан вырашыў зрабіць стаўку на маладога Фостэра, выкупіўшы гульца за 1 млн фунтаў стэрлінгаў^[8].

Зьяўляючыся не падрыхатваным да выступаў за першую каманду клюбу Бэн быў аддадзены ў арэнду ў «Ўотфард» 1 жніўня 2005 году^[9], з разьлікам на два сэзоны. Бэну не знаходзілася месца ў складзе «Юнайтэд», бо брамнікам нумар адзін у клюбе быў Эдвін ван дэр Сар, а пасьля падпісаньня манкунеанцамі яшчэ й Томаша Кушчака, месца для Фостэра зусім не засталося.

Фостэр падпісаў трохгадовы кантракт з клюбам Прэм’ер-Лігі «Бірмінггэм Сіці» 19 траўня 2010 году^[10]. Клюб шукаў замену Джо Гарту, які правёў выдатны сэзон 2009—2010 гадоў у «Бірмінггэме» падчас знаходжаньня ў клюбе на правах арэнды. 29 ліпеня 2011 году Бэн Фостэр далучыўся да «Ўэст Бромўіч Альбіён» на правах арэнды, але пасьля сэзону перайшоў у клюб ужо на сталай аснове.

Міжнародная

Першы выклік у зборную Ангельшчыны Фостэр атрымаў у 2006 годзе, калі зборная пад кіраўніцтвам Стыва Макларэна гуляла супраць зборнай Грэцыі, аднак Бэн не прыняў удзелу ў гэтай сустрэчы. Свой дэбютны матч за зборную Бэн правёў 7 лютага 2007 году ў таварыскай гульні супраць зборнай Гішпаніі, што завяршылася паразай ангельцаў зь лікам 1:0.

Дасягненьні

«Манчэстэр Юнайтэд»:

• Уладальнік Кубка футбольнай лігі: 2009, 2010

«Бірмінггэм Сіці»:

• Уладальнік Кубка футбольнай лігі: 2011