Бітва пад Зэльвай

Бі́тва пад Зэ́львай — бітва ў часе вайны Расеі з Рэччу Паспалітай, якая адбылася 4-5 ліпеня 1792 року.

Бітва пад Зэльвай
Вайна Расеі з Рэччу Паспалітай 1792 году
Дата: 4-5 ліпеня 1792 Месца: Зэльва, брод на Зэльвянцы Прычына: ахова адыходу літоўскіх сілаў Вынік: перамога расейскага войска
Супернікі
Вялікае Княства Літоўскае	Расейская імпэрыя
Камандуючыя
Міхал Забела	Барыс Мэльлін
Колькасьць
~ 7000 чалавек	~ 6500 чалавек

Атрымаўшы паразу пад Мірам 10 чэрвеня 1792, літоўскі корпус пачаў адступленьне. 4 ліпеня атрад пяхоты (каля 1200 штыкоў) пад даводзтвам маёра Ведэльштэта на бродзе праз Зэльвянку сутыкнуўся з авангардам царскага войска. Пасьля кароткай бойкі атрад заняў брод і ўтрымліваў свае пазыцыі да зьмярканьня.

Увечары распачалася залева, і Міхал Забела загадаў разьбіць лягер ля ракі, палічыўшы, што благое надвор’е стрымае расейцаў. Наступным ранкам, нягледзячы на неспрыяльныя ўмовы, расейцы перагрупаваліся, пад дажджом пераправіліся праз раку і неспадзявана атакавалі літоўскае войска. Міхал Забела прыняў рашэньне адступаць.