Вадвіч (герб)

«Вадвіч» (па-польску: Wadwicz) — прыватны шляхецкі герб, якім карысталіся больш за 36 родаў Польшчы і Вялікага княства Літоўскага.

Герб «Вадвіч»

Апісаньне

Шчыт вэртыкальна падзелены на 2 часткі. У левым чырвоным полі знаходзіцца срэбная стронга, а ў правым срэбным полі — чырвоная стронга. Клейнод — над прылбіцай з каронай 5 страўсавых пёраў.

Гісторыя

Вядомы зь сярэдзіны XV стагодзьдзя. Пашыраўся ў Вялікім княстве Літоўскім пасьля Гарадзелькай уніі 1413 року.

Роды

Адамовічы, Адамкевічы, Адамковічы, Акушковічы, Анґліцкія, Анцэвічы, Барэйшы, Боскія, Вадвічы, Вандаловічы, Віруловічы, Воўчакі, Вэнславовічы, Вэнслаўскія, Вэнцлавовічы, Вэнцлаўскія, Камянецкія, Ладзяты, Лойбы, Мандыгерты, Мандыгірды, Мантыгерды, Мандыгірдавічы, Манкерскія, Мантыгірдавічы, Матыашэвічы, Монгірды, Мэнжыкі, Надажынскія, Нарушэвічы, Рашкевічы, Роскі, Роскія, Станкевічы, Станкоўскія, Станькоўскія.

На манэтах

Герб зьмяшчаў падскарбі вялікі літоўскі Крыштап Нарушэвіч у 1618—1631 гадах на манэтах ВКЛ. Двупенязь — 1620, 1621. Шэляг — 1618—1627, грош — 1625—1627, палтарак — 1619, 1620, 5 дукатаў — 1621, 1622, партугал (10 дукатаў) — 1621, 1622.

Літаратура

• Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4

Вонкавыя спасылкі

• Гербы беларускае шляхты
• Herb Wadwicz