Валеры Задаля

Валеры Задаля (псэўд. Антон Лабовіч; 15 сакавіка 1953, Клецак — 11 красавіка 2007, Горадня) — беларускі журналіст, грамадзка-палітычны дзеяч.

Валеры Сьцяпанавіч Задаля
Дата нараджэньня	15 сакавіка 1953
Месца нараджэньня	Клецак, БССР
Дата сьмерці	11 красавіка 2007
Месца сьмерці	Горадня, Беларусь
Месца пахаваньня	Гарадзкія могілкі ў Аульсе (Горадня)
Месца вучобы	факультэт журналістыкі Беларускага дзяржаўнага ўнівэрсытэту[d]
Занятак	журналіст
Месца працы	Новае жыцьцё[d] Тэлерадыёкампанія „Горадня“[d]
Сябра ў	Беларуская асацыяцыя журналістаў, Беларускі ПЭН-цэнтар і Таварыства беларускай школы

Біяграфія

Закончыў факультэт журналістыкі Беларускага дзяржаўнага ўнівэрсытэту. Працаваў карэспандэнтам Клецкай раённай газэты, рэдактарам Наваградзкай газэты «Новае жыцьцё», намесьнікам старшыні Тэлерадыёкампаніі Горадні.

Сябра Партыі БНФ, Беларускай асацыяцыі журналістаў (з 1997), ПЭН-цэнтру.

Пасьля вымушанага звальненьня з Тэлерадыёкампаніі напрыканцы 1990-х працаваў у грамадзкім аб’яднаньні «Ратуша», потым (пасьля закрыцьця аб’яднаньня) у гарадзенскім аддзяленьні «Таварыства беларускай школы». У апошнія гады жыцьця займаўся актыўнай і плённай грамадзкай дзейнасьцю: стварыў «Літаратурную гасьцёўню», выдаваў і рэдагаваў шэраг лякальных спэцыялізаваных газэт, быў адным з сталых выкладнікаў гарадзенскай Школы маладога журналіста.

Памёр ад цяжкай хваробы на 55 годзе жыцьця. Пахаваны на Аульсаўскіх могілках Горадні.

Вонкавыя спасылкі

• Вянок памяці: Валер Задаля // Радыё «Свабода» 12.04.2007
• Памёр Валеры Задаля // «Твой стыль» 12.04.2007(недаступная спасылка)