Валеры Ланскі

Вале́ры Я́каўлевіч Ланскі́ (па-расейску: Валерий Яковлевич Лонской 21 сакавіка 1941, Хабараўск — 6 чэрвеня 2021, Масква) — савецкі і расейскі кінарэжысэр, сцэнарыст і пісьменьнік. Народны артыст Расейскай Фэдэрацыі (2001).

Валеры Ланскі
Дата нараджэньня	21 сакавіка 1941(1941-03-21)
Месца нараджэньня	Хабараўск, РСФСР, СССР
Дата сьмерці	6 чэрвеня 2021(2021-06-06) (80 гадоў)
Месца сьмерці	Масква, Расея
Месца пахаваньня	Траякураўскія могілкі[d]
Месца вучобы	Усерасейскі дзяржаўны ўнівэрсытэт кінэматаграфіі імя Сяргея Герасімава[d]
Занятак	кінарэжысэр, сцэнарыст
Сябра ў	Саюз кінэматаграфістаў СССР[d]
Узнагароды
IMDb	ID nm0519574

Жыцьцяпіс

Нарадзіўся ў Хабараўску. У 1970 годзе скончыў рэжысэрскі факультэт ВГІКа (майстэрня Я. Л. Дзігана). Працаваў апэратарам-друкаром цэху субтытраў на кінастудыі імя М. Горкага. Здымаў сюжэты для кіначасопіса «Ералаш».

Сябра Саюзу кінэматаграфістаў, чалец Маскоўскага Саюзу пісьменьнікаў. Старшыня Саюза кінэматаграфістаў Масквы (1993-1999). Кіраўнік рэжысэрскай майстэрні ВДІКу — з 1999 году па 2010 год.

Грамадзянская пазыцыя

У 2010 годзе ў ліку больш за сотню кінэматаграфістаў выказаў пратэст супраць дзейнасьці Мікіты Міхалкова на пасадзе старшыні Саюзу кінэматаграфістаў Расеі, падпісаўшы заяву «Нам не падабаецца»^[1]. Разам зь іншымі нязгоднымі выйшаў з гэтага Союзу, далучыўшыся да навастворанага КінаСаюза^[2].

Выступаючы 21 сакавіка 2013 году на IX зьезьдзе Саюза кінэматаграфістаў Расеі, Ланскі прапанаваў прысутным зрабіць Мікіту Міхалкова вечным старшынём Саюзу кінэматаграфістаў. «Давайце пачнем зьезд з выбараў старшыні, і я прапаную абраць Мікіту Міхалкова навечна. Колькі можна гуляць у дэмакратыю?»^[3]. Прысутная на зьезьдзе карэспандэнт "Камерсант FM» адзначыла, што словы былі сказаныя зь відавочным сарказмам і рэжысэр такім чынам выказваў незадаволенасьць адсутнасьцю альтэрнатыўных кандыдатаў^[4][5].

У сакавіку 2014 году разам з шэрагам іншых дзеячаў навукі і культуры выказаў сваю нязгоду з Анэксіі Крыма Расеяй^[6][7].