Валер Шчукін

Вале́р Аляксе́евіч Шчу́кін (па-расейску: Валерий Алексеевич Шчукин; 22 сакавіка 1942, Уладзівасток, СССР − 10 кастрычніка 2020, Менск) − беларускі палітык, праваабаронца, журналіст. Дэпутат Вярхоўнага Савету XIII скліканьня, былы савецкі марскі афіцэр. Актыўна выступае супраць палітыкі кіраўніка Беларусі Аляксандра Лукашэнкі, шматразова быў арыштаваны і караны штрафамі.

Валеры Шчукін
Дэпутат Вярхоўнага Савету Рэспублікі Беларусь
1995 — 2000
Прэзыдэнт	Аляксандар Лукашэнка
Асабістыя зьвесткі
Нарадзіўся	22 сакавіка 1942(1942-03-22) Уладзівасток, РСФСР, СССР
Памёр	10 кастрычніка 2020(2020-10-10) (78 гадоў) Менск, Беларусь
Партыя	Партыя камуністаў беларуская
Адукацыя	Ленінградзкая вышэйшая вайскова-палітычная вучэльня проціпаветранай абароны[d]

Жыцьцяпіс

Нарадзіўся 22 сакавіка 1942 року ва Ўладзівастоку (цяпер у Прыморскім краі Расейскай Фэдэрацыі). У 1951 року сям’я вярнулася ў БССР, у Талачынскі раён, на радзіму маці. Скончыў беларускую пачатковую школу, пасьля бацькі перавялі яго ў расейскую школу ў Менску.

З 15 гадоў працаваў сьлесарам на менскім заводзе буддэталяў. Служыў у войску, у 1966 року скончыў Ленінградзкую вышэйшую вайскова-марскую інжынэрную вучэльню(ru) па вайсковай спэцыяльнасьці «карабельны інжынэр-мэханік» і цывільнай — «эксплюатацыя парасілавых установак». Цягам 27 гадоў служыў афіцэрам ВМФ СССР, капітан другога рангу ў адстаўцы. Пасьля выхаду ў рэзэрв працаваў у 1987—1995 машыністам крана-трубапракладніка.

У 1996—2003 жыў у Полацку.

Памёр 10 кастрычніка 2020 року ў Менску.

Дзейнасьць

У 1995 быў абраны ў Вярхоўны Савет Рэспублікі Беларусь XIII скліканьня. Выконваў функцыі сакратара камісіі нацыянальнай бясьпекі, абароны і барацьбы са злачыннасьцю. У часе канстытуцыйнага крызісу 1996 року выказваўся супраць прапаноўваных Лукашэнкам зьменаў, падтрымаў ягоны імпічмэнт, удзельнічаў у спробах вярнуць Віктара Ганчара ў кабінэт старшыні ЦВК. У 1998 быў выключаны з кампартыі. Сябра «Беларускага Хэльсынскага камітэту», «Беларускай асацыяцыі журналістаў».

За палітычную дзейнасьць неаднакроць затрымліваўся міліцыяй^[1][2][3], быў караны штрафамі^[4][5][6] й арыштамі^[7][8][9] за ўдзел у апазыцыйных акцыях.

Сям’я

Бацька — расеец, маці — беларуска^[10].

Валер Шчукін жанаты, меў двох дзяцей і сямёра ўнукаў. Праваслаўны.