Валожынка

Вало́жынка — рака ў Беларусі, правы прыток ракі Іслачы (басэйн Нёмана). Цячэ ў Валожынскім раёне Менскай вобласьці. Даўжыня 35 км. Плошча вадазбору 168 км². Выдатак вады ў вусьці 1,3 м³/с. Сярэдні нахіл воднай паверхні 2,9‰.

Рака

Валожынка лац. Vałožynka
Агульныя зьвесткі
Выток	каля в. Брылькоў
Вусьце	Іслач
Краіны басэйну	Беларусь
Вобласьці	Менская вобласьць
Даўжыня	35 км
Сярэднегадавы сьцёк	1,3 м³/с
Плошча басэйну	16км²
Нахіл воднай паверхні	2,9 ‰

Асноўныя прытокі

Асовіца, Капусьцінка, Рачэўка.

На рацэ

• Места: Валожын

Агульныя зьвесткі

Пачынаецца каля вёскі Брылькоў на заходніх схілах Менскага ўзвышша, цячэ празь места Валожын, упадае ў Іслач ніжэй за вёску Расолішкі.

Рэчышча ў вярхоўі слабазьвілістае, на працягу 22 км каналізаванае (ад Валожына да вёскі Расолішкаў). Берагі стромкія, ніжэй за Валожын абрывістыя. На паўднёва-заходняй ускраіне Валожына сажалка (плошча 0,04 км²). У абалоне сетка мэліярацыйных каналаў^[1].