Вальжына Морт

Вальжы́на Морт (сапраўднае прозьвішча: Мартынава^[4][5][6]; нарадзілася ў 1981 годзе ў Менску) — беларуская пісьменьніца, перакладчыца, паэтка.

Вальжына Морт
Асабістыя зьвесткі
Нарадзілася	1981[1][2] Менск, БССР, СССР[3]
Літаратурная дзейнасьць
Род дзейнасьці	пісьменьніца, перакладніца, паэтка, прафэсарка ўнівэрсытэту
Жанр	Паэзія
Мова	Беларуская, ангельская
Прэміі	Griffin Poetry Prize (2020)
Узнагароды	стыпэндыя Гугенгайма[d] (2022)
Вальжына Морт у Вікісховішчы
https://www.valzhynamort.com

Біяграфія

Друкавалася ў часопісах Nihil, «Дзеяслоў», газэце «Наша ніва». Фіналістка літаратурнага конкурсу імя Натальлі Арсеньневай (вясна 2003 г.), яе творы трапілі ў сумесную кнігу «12 + 1». Іграла ў п’есе «Калекцыянэр» (аўтар і рэжысэр: Вольга Гапеева), першы і адзіны паказ якой адбыўся 2 кастрычніка 2003 году ў рамках фэстывалю «Тры дні». Атрымала прэмію на Міжнародным літаратурным фэстывалі «Віленіца-2004». Яе проза перакладзеная на ангельскую, баўгарскую, латыскую, летувіскую, нямецкую, польскую і ўкраінскую мовы. Сама перакладае з ангельскай і польскай (Рафал Ваячак). Творчасьць Вальжыны Морт характарызуецца экспрэсіўнасьцю лексыкі, сьмелым ужываньнем нецэнзурных словаў.

Цытаты пра яе

А вось яе публічныя выступы — гэта выбух энэргіі, выклік, правакацыя, яўнае хуліганства, ледзь ня зьдзек з публікі — калі сядзіш агаломшаны, глыбока ўражаны, каб не сказаць «абражаны» — і хочацца крычаць: «Яшчэ! Яшчэ!»^[7].

Бібліяграфія

• «12+1. Конкурс маладых літаратараў імя Натальлі Арсеньневай» (Менск: Логвінаў, 2004)
• «Я тоненькая як твае вейкі» (Менск: Логвінаў, 2005)
• Эпідэмія Ружаў (Lohvinau 2017)
• Песні Для Мёртвых і Ўваскрэслых (Pflaumbaum, 2022)
• Ільля Камінскі «Рэспубліка глухіх» (пер. з анг. разам зь Юляй Цімафеевай; Skaryna Press, 2023)