Васіль Варанянскі

Васі́ль Трафі́мавіч Вараня́нскі (25 жніўня [ст. ст. 13 жніўня] 1901, сяло Дзіканька Палтаўскага павету Палтаўскай губэрні, Расейская імпэрыя — 24 верасьня 1943) — адзін з кіраўнікоў партызанскага руху на тэрыторыі Менскай вобласьці падчас нямецка-савецкай вайны^[3].

Васіль Варанянскі
25 жніўня 1901 — 14 верасьня 1943 (42 гады)
Месца нараджэньня	сяло Дзіканька, Палтаўскі павет, Палтаўская губэрня, Расейская імпэрыя
Месца сьмерці	СССР
Прыналежнасьць	СССР
Гады службы	1919—1943
Званьне	палкоўнік[1]
Частка	Партызанская брыгада «Народныя мсціўцы» імя В. Т. Варанянскага[d][2]
Бітвы/войны	Грамадзянская вайна ў Расеі[d] Баі ля возера Хасан[d] Нямецка-савецкая вайна
Узнагароды	Ордэн Леніна

Біяграфія

У Чырвонай Арміі з 1919 году. Удзельнік грамадзянскай вайны, баёў каля возера Хасан ў 1938 годзе.

Напярэдадні нямецка-савецкай вайны Варанянскі быў камандзірам асобнага батальёну сувязі ў Магілёве. 22 чэрвеня 1941 пайшоў да фронту. Апынуўся ў акружэньні. Зь невялікай колькасьцю жаўнераў упарта прабіваўся на ўсход, але лінія фронту ўсё адсоўвалася^[4]. У верасьні 1941 ён далучыўся да партызан і хутка стаў камандзірам атраду^[5].

У партызанах зь верасьня 1941: камандзір групы, атраду, у верасьні 1942 — верасьні 1943 партызанскай брыгады «Народныя мсьціўцы» імя Варанянскага (брыгадзе далі імя Варанянскага пасьля таго як ён загінуў)^[3].

У верасьні 1943 быў выкліканы да Цэнтральнага штабу партызанскага руху ў Маскве. У ноч з 13 на 14 верасьня на партызанскі аэрадром у Бягомелі прызямліўся самалёт, на якім камандуючы брыгадай паляцеў да сталіцы. Але празь некалькі гадзін у брыгаду прыйшла тэлеграма: «Палкоўнік Варанянскі загінуў пры пералёце лініі фронту»^[4].

Памяць

Імем Варанянскага названы вуліцы ў Менску й Плешчаніцах^[3].