Васіль Копаць (сын Васіля)

Васіль Копаць (1575 — люты 1636) — дзяржаўны дзяяч Вялікага Княства Літоўскага. Кашталян наваградзкі (з 1626).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Васіль Копаць.

Васіль Копаць

Герб «Роля»
Асабістыя зьвесткі
Нарадзіўся	1575
Памёр	люты 1636
Род	Копці
Бацькі	Васіль Копаць Палёнія з Валовічаў
Жонка	Алена з Дольскіх Барбара з Хадкевічаў
Дзеці	ад 2-га шлюбу: Ян Караль, Ганна Барбара

Быў старостам гожаўскім і пераломскім (з 1619).

Біяграфія

Прадстаўнік шляхецкага роду Копцяў гербу «Роля», сын Васіля і Палёніі з Валовічаў. Меў братоў Лукаша і Філона.

У 1615 годзе атрымаў урад падкаморага берасьцейскага^[1].

Першы раз ажаніўся з Аленай (? — 24 верасьня 1617), дачкой кашталяна берасьцейскага Міхала Дольскага, другі — з Барбарай, дачкой кашталяна віленскага Гераніма Хадкевіча. У другім шлюбе меў сына Яна Караля і дачку Ганну Барбару, якая выйшла за гетмана вялікага літоўскага Паўла Яна Сапегу.