Васіль Хрол

Васіль Хрол (12 студзеня 1957, Грыдзюшкі Малыя, Шаркоўшчынскі раён, Віцебская вобласьць — 4 чэрвеня 2020^[2]) — беларускі палітык.

Васіль Хрол
дэпутат Вярхоўнага Савету Рэспублікі Беларусі[d]
9 студзеня 1996 — 9 студзеня 2001
дэпутат Палаты прадстаўнікоў Нацыянальнага сходу Рэспублікі Беларусь[d]
27 лістапада 1996 — 27 кастрычніка 2008
Асабістыя зьвесткі
Нарадзіўся	12 студзеня 1957(1957-01-12)[1] Грыдзюшкі Малыя[d], Лужкоўскі сельсавет, Пліскі раён, Маладэчанская вобласьць, БССР, СССР[1]
Памёр	4 чэрвеня 2020(2020-06-04) (63 гады)
Адукацыя	Беларускі дзяржаўны ўнівэрсытэт інфарматыкі і радыёэлектронікі БДУ Паўночна-Заходні інстытут кіраваньня[d]

Біяграфія

Нарадзіўся 12 студзеня 1957 году ў вёсцы Грыдзюшкі Малыя Лужкоўскага сельсавету Шаркоўшчынскага раёна Віцебскай вобласьці.

Скончыў Менскі радыётэхнічны інстытут, інжынэр-канструктар — тэхноляг электронна-вылічальнай апаратуры. Працаваў намесьнікам начальніка цэха Менскага мэханічнага заводу імя Вавілава, выканаўчым дырэктарам Рэспубліканскага цэнтру гандлю нерухомасьцю, прэзыдэнтам Беларускай асацыяцыі «Нерухомасьць».

Быў членам Партыі народнай згоды^[3]. 10 сьнежня 1995 году абраны дэпутатам Вярхоўнага Савету Рэспублікі Беларусь 13-га скліканьня па Галадзедаўскай выбарчай акрузе № 223 Менска, быў старшынём Камісіі па прамысловасьці, транспарце, будаўніцтве, энэргетыцы, гандлі і іншых паслугах насельніцтву, сувязі і інфарматыцы. Зьяўляўся дэпутатам Палаты прадстаўнікоў Нацыянальнага сходу Рэспублікі Беларусь першага скліканьня^[4], быў намесьнікам старшыні Камісіі па пытаньнях эканомікі; дэпутатам Палаты прадстаўнікоў Нацыянальнага сходу Рэспублікі Беларусь другога скліканьня, быў старшынём Пастаяннай камісіі па жыльлёвай палітыцы, будаўніцтву, гандлю і прыватызацыі; дэпутатам Палаты прадстаўнікоў Нацыянальнага сходу Рэспублікі Беларусь трэцяга скліканьня, быў намесьнікам старшыні Пастаяннай камісіі па бюджэце, фінансах і падатковай палітыцы^[5]. Таксама быў намесьнікам дзяржаўнага сакратара — сябрам Сталага камітэту Саюзнай дзяржавы Беларусі і Расеі.