Ваўкавыскі сельсавет

Ваўкавы́скі сельсавет — адміністрацыйна-тэрытарыяльная адзінка ў складзе Ваўкавыскага раёну Гарадзенскай вобласьці. Адміністрацыйны цэнтар — горад Ваўкавыск (не ўваходзіць у склад сельсавету).

Ваўкавыскі сельсавет
Агульныя зьвесткі
Краіна	Беларусь
Статус	сельсавет Беларусі[d]
Адміністрацыйны цэнтар	Ваўкавыск
Дата ўтварэньня	2 сьнежня 1961
Насельніцтва	▼1579 чал. (2019)
Мэдыя-зьвесткі
Часавы пас	UTC+03:00
Дадатковыя мультымэдыйныя матэрыялы

Гісторыя

2 сьнежня 1961 году створаны ў складзе Ваўкавыскага раёну Гарадзенскай вобласьці БССР^[1] шляхам аб’яднаньня скасаваных Біскупцоўскага і Лесьнякоўскага сельсаветаў, а таксама часткі скасаванага Дзятлавіцкага сельсавету (вёскі Альхова, Андрушы, Боблава, Дзятлавічы, Дуляўцы, Зарачаны, Крываносаўцы, Місьлюкі, Пасынкі)^[2]. 27 траўня 1965 году ўсе населеныя пункты былога Дзятлавіцкага сельсавету перададзеная ў склад Роскага пасялковага савету. 19 сьнежня 1974 году да сельсавету далучаная тэрыторыя скасаванага Маісеевіцкага сельсавету. 23 чэрвеня 1980 году ў склад сельсавету з Ізабелінскага сельсавету перададзеныя вёскі Азярыска, Аляксандраўка, Бакі, Бяляўшчына, Камяніца, Малая Лапеніца, Мітрані^[3].

18 кастрычніка 2013 году пасёлак Юбілейны, вёскі Грыцкі, Калядзічы, Кукуці, Кутнікі, Маісеевічы, Няверавічы перададзеныя ў склад Краснасельскага сельсавету^[4].

Насельніцтва

Насельніцтва сельсавету паводле перапісу 2009 году — 2705 чалавек^[5], зь іх 47,2 % — беларусы, 46,3 % — палякі, 4,5 % — расейцы^[6].

Населеныя пункты

• 1 студзеня 1974 году — 15^[7]
• 1 студзеня 1981 году — 22^[8]
• 1 студзеня 1986 году — 28^[9]