Велікапольскае ваяводзтва

Велікапольскае ваяводзтва (па-польску: Województwo wielkopolskie) — адно з 16 ваяводзтваў Польшчы. Утворанае 1 студзеня 1999 году на падставе ўставы ад 24 ліпеня 1998 году аб увядзеньні тэрытарыяльнага падзелу дзяржавы, з наступных ваяводзтваў папярэдняга адміністрацыйнага падзелу: Познанскага, Конінскага, Пільскага, Ляшчынскага, Каліскага і фрагмэнтаў Зялёна-Гурскага, Гожаўскага і Быдгаскага.

Велікапольскае ваяводзтва
Сьцяг Велікапольскага ваяводзтва Герб Велікапольскага ваяводзтва
Велікапольскае ваяводзтва на мапе
Сядзіба ваяводы Сядзіба сэйміка	Познань
Адміністрацыя ваяводзтва	Познань, al. Niepodległości 16/18
Ваявода	Зьбігнеў Хофман
Адміністрацыя маршалка	Познань, al. Niepodległości 18
Маршалак	Марэк Возьняк
Плошча	29 826 км²
Насельніцтва	3 467 016 чалавек (на 31 сьнежня 2013)[1]
Шчыльнасьць насельніцтва	116 чалавек/км²
Урбанізацыя	55,9%
Нумарныя знакі	P

Геаграфія

Ваяводзтва знаходзіцца ў заходняй Польшчы, мяжуе з ваяводзтвамі:

• Апольскім,
• Заходнепаморскім,
• Куяўска-Паморскім,
• Лодзінскім,
• Любускім,
• Ніжнесылескім,
• Паморскім

Гарады

У Велікапольскім ваяводзтве налічваецца 109 населеных пунктаў з гарадзкімі правамі, у тым ліку 4 гарады існуюць на правах павету.

Паветы

Велікапольскае ваяводзтва складаецца з 35 паветаў — 31 земскага і 4 гарадзкіх.

Гміны і населеныя пункты

У склад ваяводзтва ўваходзяць 226 гмін (19 гарадзкіх, 90 сельска-гарадзкіх і 117 сельскіх).