Войцех Вінцэнты Вялёндка

Войцех Вінцэнты Вялёндка (па-польску: Wojciech Wincenty Wielądko) (1749, Кіеўскае ваяводзтва — 1822, Варшава) — польскі геральдыст, аўтар першай друкаванай кулінарнай кнігі на польскай мове “Кухар дасканалы” (1783), да канца першай трэці XIX стагодзьдзя шырока вядомай і ў Беларусі (папраўленае выданьне 1808 году згадваецца ў тым ліку ў эпічнай паэме Адама Міцкевіча “Пан Тадэвуш”, але зьмешваецца зь іншымі кулінарнымі кнігамі, перш за ўсё, з Compendium ferculorum Ст. Чарнецкага). Вялёндка арыентаваўся пераважна на касмапалітычныя францускія ўзоры, але шляхецкая кухня Рэчы Паспалітай таксама шырока прадстаўленая ў гэтай кнізе; тут ўпершыню пісьмова зафіксаваны рэцэпт зразаў. У 1830-х гадах кніга Вялёндкі як пісьмовая крыніца кулінарных ведаў у Літве (Беларусі) й Жамойці саступіла першынства кнігам Яна Шытлера.

Войцех Вінцэнты Вялёндка
Дата нараджэньня	1749[1][2]
Месца нараджэньня	Кіеўскае ваяводзтва, Малапольская правінцыя[d], Карона Каралеўства Польскага, Рэч Паспалітая
Дата сьмерці	1822[1][2]
Месца сьмерці	Варшава, Расейская імпэрыя
Занятак	рэдактар, гісторык, перакладнік, геральдыст

Гэты артыкул створаны з дапамогай матэрыялаў з: Алесь Белы, праект «Наша ежа».

1. Wojciech Wincenty Wielądko // NUKAT — 2002.
2. Wojciech Wincenty Wielądko // MAK (пол.)