Вольга Абрамава

Вольга Міхайлаўна Абрамава (нарадзілася 19 верасьня 1953, Менск) — беларускі грамадзка-палітычны дзяяч, сацыёляг, філёзаф.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Абрамава (неадназначнасьць).

Вольга Абрамава
Дата нараджэньня	19 верасьня 1953(1953-09-19)[1][2] (71 год)
Месца нараджэньня	Менск, БССР, СССР[1][2]
Месца вучобы	БДУ[1]
Занятак	лектар, палітык, філёзаф, сацыёляг, паліталягіня
Навуковая сфэра	філязофія[1], сацыялёгія[3], паліталёгія[3] і палітыка[3]
Месца працы	Беларускі дзяржаўны тэхналягічны ўнівэрсытэт[1] Беларускі дзяржаўны ўнівэрсытэт інфарматыкі і радыёэлектронікі[1]
Сябра ў	Беларускае грамадскае аб'яднанне Яблык[d][1][2][4][…], Рух дэмакратычных рэформ[d][1][4] і Рух дэмакратычных рэформ Беларусі[d][1]
Узнагароды	Ганаровая грамата Нацыянальнага сходу Рэспублікі Беларусь[d] (3 лістапада 2003)

Біяграфія

Скончыла Беларускі дзяржаўны ўнівэрсытэт (1975). Кандыдат філязофскіх навук (1988), тэма дысэртацыі: «Гуманізм гвалтоўнае задачы сацыялістычнае рэвалюцыі». Выкладала ў Беларускім тэхналягічным інстытуце (1975-1991) і Менскім радыятэхнічным інстытуце (1991-1995^[5]), дацэнт. Дырэктар дасьледчых праграм Нацыянальнага цэнтру стратэгічных ініцыятываў «Усход-Захад» (1995 і ад 1997), дырэктарам навуковых і адукацыйных праграм аналітычнага цэнтру «Стратэгія».

У грамадзка-палітычным жыцьці стала гуляць прыкметную ролю з канца 1980-х, выступаючы прыхільніцай увядзеньня дзяржаўнага дзьвюхмоўя і актыўнай суперніцай Закону аб мовах, прынятага Вярхоўным Саветам БССР 11-га скліканьня. Была сустаршынёй Руху дэмакратычных рэформаў Беларусі (1991—1994), сустаршынёй міжнароднага Руху дэмакратычных рэформаў, старшынёй Беларускага аб’яднаньня «Яблык». Дэпутат Вярхоўнага Савету Рэспублікі Беларусь 13-га скліканьня (1996-2000), сакратар Камісіі па міжнародных справах. Падчас парлямэнцка-палітычнае крызы 1996 выступіла супраць Аляксандра Лукашэнкі.

У 2000—2004 дэпутат Палаты прадстаўнікоў Нацыянальнага сходу Рэспублікі Беларусь 2-га скліканьня ад Усходняе выбарчае акругі № 106, сябар Сталай камісіі па заканадаўстве і судова-прававых пытаньнях, дэпутацкай групы «Садзейнічаньне эканамічнаму разьвіцьцю».

У 2004—2008 дэпутат Палаты прадстаўнікоў Нацыянальнага сходу Рэспублікі Беларусь 3-га скліканьня ад Каліноўскай выбарчай акругі № 108, сябар Сталай камісіі па дзяржаўным будаўніцтве, мясцовым самакіраваньні і рэглямэнту. Была адзінай дэпутатам, хто прагаласаваў супраць адмены льготаў.

У 2008 удзельнічала ў парлямэнцкіх выбарах, але не прайшла ў парлямэнт.

Узнагароджаная Ганаровай граматай Нацыянальнага сходу Рэспублікі Беларусь. Актыўна выступае ў прэсе. Мае больш за 200 публікацыяў (артыкулы, брашуры, кнігі). Замужам, мае сына.

Вольга Абрамава ў адказ на пытаньне пра ацэнку палітыкі суседніх дзяржаваў у дачыненьні да Беларусі мяркуе, што Летува, Польшча, Украіна праводзяць палітыку, якая «ў доўгатэрміновым пляне не адпавядае іх нацыянальна-дзяржаўным інтарэсам»^[6].

Працы

• Белорусско-российская интеграция: между симуляцией и реальностью. – ФРГ, 1998 (на нямецкай мове).