Вуша (прыток Вяльлі)

Вуша, Уша́ — рака ў Беларусі, левы прыток ракі Вяльлі. Цячэ ў Валожынскім і Маладэчанскім раёнах. Даўжыня 75 км. Плошча вадазбору 780 км². Выдатак вады ў вусьці 6,01 м³/с. Сярэдні нахіл воднай паверхні 2,2 ‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вуша.

Рака

Вуша лац. Vuša
Рака Вуша
Агульныя зьвесткі
Выток	каля в. Будраўшчына
Вусьце	Вяльля
Краіны басэйну	Беларусь
Вобласьці	Менская вобласьць
Даўжыня	75 км
Сярэднегадавы сьцёк	6,01 м³/с
Плошча басэйну	780 км²
Нахіл воднай паверхні	2,2 ‰
Галерэя здымкаў у Вікісховішчы

На рацэ стаяць места Маладэчна і гістарычнае мястэчка Краснае.

Асноўныя прытокі

• Правыя: Вярэдаўка, Цна
• Левыя: Пісараўка, Тур’я, Гадзея

Агульныя зьвесткі

Рака Вуша

Пачынаецца на паўночным захадзе ад вёскі Будраўшчыны Валожынскага раёну, цячэ ў межах Менскага ўзвышша, упадае ў Вяльлю за 1,8 км на паўночны захад ад вёскі Шыкава.

Даліна ў вярхоўі трапэцападобная, яе шырыня 0,6—1 км, у сярэдняй плыні невыразная, у ніжняй — скрынкападобная. Абалона шырынёй 0,4—0,7 км, ніжэй за места Маладэчна 4—5 км, перасечаная мэліярацыйнымі каналамі. Рэчышча на працягу 35 км каналізаванае^[1].