Выбухі ў Бэйруце

Выбухі ў порце Бэйруту. 4 жніўня 2020 году ў партовай частцы Бэйруту (Лібан) прагрымелі два магутныя выбухі ^[1][2][3], у выніку чаго загінулі ня менш за 207 чалавек, а блізка 5 тысячаў чалавек параніла. У радыюсе 10 кілямэтраў ад эпіцэнтру былі пашкоджаныя будынкі, вуліцы заваленыя абломкамі дамоў і перакуленымі аўтамабілямі. Выбуховую хвалю адчулі жыхары Кіпру, што за 240 кілямэтраў ад Бэйруту. Каля 300 тысячаў жыхароў лібанскай сталіцы засталіся бяз даху над галавой, а шкода ад выбуху ацэньваецца як мінімум у 3 мільярды даляраў.^[4].

Падставы выбуху

Прычынай выбухаў сталі 2750 тон аміячнай салетры, якая захоўвалася на складзе ў порце. Яе канфіскавалі з карабля Rhosus мытныя службы ў 2014 годзе. Судна пад малдаўскім сьцягам, якое належала ўраджэнцу Хабараўску Ігару Грачушкіну, перавозіла груз салетры з Грузіі для Мазамбіку, але спынілася ў Бэйруце з прычыны непаладак. Пазьней уладальнік судна адмовіўся ад грузу, а экіпаж карабля мусіў некалькі гадоў правесьці ў Лібане: вярнуцца на радзіму яны змаглі толькі нядаўна.

Выбух

Першы, менш магутны выбух спарадзіў воблака дыму над полымем і мігатлівыя агні, падобныя на фаервэрк. Другі выбух скалануў цэнтральны Бэйрут і ўзьняў грыбападобнае воблака пылу ў паветра^[5]. Ён адбыўся прыкладна а 18:08:18 па мясцоваму часу і стаў прычынай сэйсьмічнай хвалі магнітудай 3,3^[3][6][7]. Сьведкі кажуць, што будынкі на адлегласьці 10 кілямэтраў (6,2 міль) атрымалі пашкоджаньні ад выбуху^[8].

Пашкоджаньні і ахвяры

Пашкоджаньні ў кватэры Анчал Вохра, Голас Амэрыкі

Пасьля выбухаў многія людзі ляжалі на зямлі параненымі^[9][10]. Загінула ня меней за 135 чалавек, пацярпелі болей за 5000^[11].

Каля 300000 чалавек засталіся без жыльля. Улады лічаць, што агульны ўрон складае ад 3 да 5 міліярдаў даляраў^[12].

Мясцовыя навіны і заявы лібанскага міністра аховы здароўя Хамада Хасана паказваюць на тое, што колькасьць ахвяр можа быць значна больш^[11]. Хасан заявіў, што сотні людзей былі параненыя і чакаецца «шмат траўмаў і значны ўрон»^[1][13]. Відавочцы распавялі тэлеканалу LBC, што «па меншай меры дзесяткі людзей пацярпелі, а ў шпіталях было шмат параненых»^[14].

Была разбурана штаб-кватэра лібанскай газэты The Daily Star, дзе абваліліся частак даху, выбітыя вокнаў і пашкоджана мэбля^[15]. Акрамя іншага, пацярпелі будынкі пасольстваў Казахстана і Расійскай Федэрацыі^[16].

Прэм’ер-міністар Лібану Хасан Дыаб абвясьціў, што наступны дзень пасьля выбухаў будзе днём нацыянальнай жалобы^[17]. Губэрнатар Бейруту Марван Абуд заплакаў па тэлебачаньні, назваўшы гэта «нацыянальнай катастрофай»^[3].

Ліквідацыя наступстваў выбухаў

Лібанскі Чырвоны Крыж заявіў, што кожная наяўная хуткая дапамога з Паўночнага Лібану, Бэка і Паўднёвага Лібану адпраўлялася ў Бейрут, каб дапамагчы пацыентам^[3]. Верталёты выкарыстоўваліся для тушэньня вялікага пажару пасьля выбухаў^[11]. Шпіталі, якія не пацярпелі ад выбухаў, не давалі рады ад колькасьці параненых^[14].

Вінаватыя

Урад Лібану 5 жніўня пастанавіў адправіць пад хатні арышт усё кіраўніцтва бэйруцкага порту, пакуль ня выявяць вінаватых у выбуху, які адбыўся ў Бэйруце напярэдадні^[18].