Выклік (фільм, 2008)

«Вы́клік» (па-ангельску: Defiance) — фільм рэжысэра Эдварда Цьвіка. Фільм распавядае пра савецка-жыдоўскую партызанку на Заходняй Беларусі за часамі Другой сусьветнай вайны. Зьняты паводле кнігі Нэхамы Тэк «Defiance: The Bielski Partisans».

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Выклік.

Выклік
Defiance
Жанр	ваенны фільм[1][2], драматычны фільм і экранізацыя кнігі
Рэжысэр	Эдвард Цьвік
Сцэнарыст	Клэйтан Фроман Эдвард Цьвік
Прадусар	Эдвард Цьвік Пітэр Ян Бруге
У ролях	Дэніэл Крэйг Ліў Шрайбэр Джэймі Бэл Джордж Макай
Кампазытар	Джэймз Ньютан Говард
Апэратар	Эдуарду Сэра[d]
Мантаж	Міленя Федлер Рафал Лістапад
Вытворчасьць	Paramount Vantage
Распаўсюд	Paramount Vantage[d] і Netflix
Дата выхаду	31 сьнежня 2008 (16 гадоў таму)
Працягласьць	137 хвілін
Краіна	ЗША
Мова	ангельская, расейская, нямецкая
Бюджэт	32 млн $
Старонка на IMDb
Афіцыйны сайт

Сюжэт

Распавядае пра братоў Бельскіх. Тыя пасьля забойства нацыстамі іх сям’і ствараюць у Налібоцкай пушчы партызанскі атрад, каб дапамагаць жыдам. На працягу фільму атрад павячлічваецца, мацнее, пераносіць нядолю вайны, будуе свае няпростыя адносіны зь мясцовымі жыхарамі й савецкімі партызанамі…

У фільме мясцовая паліцыя прадстаўлена выключна беларускаю, тысячны савецкі партызанскі атрад сьпявае, ідучы па лесе, «Купалінку» (дзякуючы настойваньню аднаго са студэнтаў ЭГУ «Купалінка» замяніла плянаваны раней «Черный ворон»)^[3].

Акторы

• Дэніэл Крэйг — Туві Бельскі
• Ліў Шрайбэр — Александр (Зус) Бельскі
• Джэймі Бэл — Азаель (Ізраель) Бельскі
• Джордж Макай — Арон Бельскі
• Алан Кардунэр — Шамон
• Марк Фэўерштэйн — Мальбін
• Мія Васікоўска — Хая
• Равіль Ісянаў — Віктар Панчэнка, камандзір партызанскага атряду «Октябрь»
• Яцэк Коман — Канстанцін «Косьцік» Казлоўскі

Здымкі

Здымкі адбываліся ў Летуве ў 2008 годзе. У масоўцы беларускіх партызанаў гралі студэнты ЭГУ.

Ацэнкі

Фільм зроблены ў тыпова галівудзкім выданьні — мала сапраўдных гістарычных фактаў, але больш прыдуманых сцэнарыстам^[4][5]. З зоркамі-акторамі.