Вышаград

Вы́шаград (па-чэску: Vyšehrad) — даўняя крэпасьць (замак), разьмешчаная над правым берагам Вэлтавы на поўдзень ад цэнтру Прагі, а таксама аднайменны гістарычны раён чэскай сталіцы.

Замак
Вышаград Vyšehrad
Вышаград над Вэлтавай
Краіна	Чэхія
Места	Прага
Адрас	Да ратонды[d][1]
Каардынаты	50°3′48″ пн. ш. 14°24′58″ у. д.
Першае згадваньне	X стагодзьдзе
Статус	Нацыянальная славутасьць Чэскай рэспублікі[d][2] і культурны помнік Чэхіі[d][2]
Сайт	praha-vysehrad.cz
Вышаград на мапе Чэхіі Вышаград
Вышаград на Вікісховішчы

Крэпасьць паўстала ў другой палове X стагодзьдзя як княскі замак. Традыцыйна лічыцца адным зь першых цэнтраў чэскай дзяржавы да ўзьнікненьня пабудаванага Пржэмыславічамі княскага Праскага Граду (параўнайце места і Вышгарад у Кіеве, дзяцінец і Рурыкава гарадзішча ў Ноўгарадзе й іншыя падобныя «двайныя сыстэмы» ў славянскіх местах). Лічылася раўнапраўнай з Праскім Градам каралеўскай рэзыдэнцыяй да часоў Карла IV (XIV стагодзьдзе). У 1420 годзе ўзятая гусітамі пад камандаваньнем Яна Жыжкі. У другой палове XVII стагодзьдзя была перабудаваная ў барокавым стылі. У межах Вялікае Прагі з 1883 году. У 1962 годзе ўключаны ў сьпіс культурных славутасьцяў Чэхаславаччыны(cs).

У Вышаградзе разьмешчаныя гатычны сабор сьвв. Пятра і Паўла, рэшткі старажытнай раманскай базылікі, а таксама найстарэйшы будынак Прагі — раманская ратонда сьв. Марціна XI стагодзьдзя. Вышаградзкія могілкі — месца пахаваньня знакамітых дзеячоў Чэхіі.

На Мэтрамосьце, які вядзе на ўзгорак, разьмешчаная станцыя мэтро «Вышаград».