Вязенская

Вя́зенская (Вя́зынь, Раза́нка) — рака ў Койданаўскім раёне Менскай вобласьці, левы прыток Вусы (верхні прыток Нёману). Даўжыня 20 км. Плошча вадазбору 81 км². Сярэдні нахіл воднай паверхні 4,5‰.

Рака

Вязенская
Агульныя зьвесткі
Выток	каля в. Арэхаўская
Вусьце	Вуса
Краіны басэйну	Беларусь
Вобласьці	Менская вобласьць
Даўжыня	20 км
Плошча басэйну	81 км²
Нахіл воднай паверхні	4,5‰

Пачынаецца за 1,5 км на паўднёвы захад ад в. Арэхаўская (Менскі раён), працякае па паўднёва-заходніх схілах Менскага ўзвышша, упадае ў Вусу каля в. Уса. Мае каналізаванае рэчышча на працягу 10 км (ад в. Вязанка да вусьця)^[1].

У пачатку 1980-х каля в. Чыкі была перагароджаная запрудай, дзеля ўтварэньня сажалкі. На рэчцы ля в. Чыкі была прыкмечаная хахуля^[2].