Вязынка (рака)

Вя́зынка — рака ў Беларусі, прыток ракі Рыбчанкі (басэйн Вяльлі і Нёману). Цячэ ў Менскім і Маладэчанскім раёнах Менскай вобласьці. Даўжыня 15 км. Плошча вадазбору 60 км². Сярэдні выдатак вады ў вусьці каля 0,4 м³/с.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вязынка.

Рака

Вязынка лац. Viazynka
Агульныя зьвесткі
Выток	каля в. Ліпяні Менскага раёну
Вусьце	Рыбчанка
Краіны басэйну	Беларусь
Вобласьці	Менскі раён і Маладэчанскі раён
Даўжыня	15 км[1]
Сярэднегадавы сьцёк	0,4 м³/с[1]
Плошча басэйну	60 км²[1]

На рацэ стаіць мястэчка Радашкавічы.

Пачынаецца на ўсходзе ад вёскі Ліпянёў Менскага раёну і цячэ паўночнымі схіламі Менскага ўзвышша. Разам з ракой Гуйкай каля мястэчка Радашкавічаў ўтварае раку Рыбчанку.

Даліна ракі выразная. Абалона двухбаковая, шырынёй 100—200 м. Рэчышча зьвілістае, яго шырыня ў межань 5-7 м. У вярхоўі перакрыжоўваецца зь Вялейска-Менскай воднай сыстэмай. Берагі крутыя.

У маляўнічых мясьцінах у вярхоўі ракі знаходзіцца Купалаўскі мэмарыяльны запаведнік «Вязынка», а ў сутоцы з Гуйкай каля Радашкавічаў — зона адпачынку Вязынка^[2].