Рыбчанка

Рыбча́нка — рака ў Беларусі, левы прыток ракі Іліі (басэйн Нёману). Цячэ ў Маладэчанскім і Вялейскім раёнах Менскай вобласьці. Даўжыня 30 км. Плошча вадазбору 518 км². Выдатак вады ў вусьці 3,9 м³/с. Сярэдні нахіл воднай паверхні 1,7‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Рыбчанка (неадназначнасьць).

Рака

Рыбчанка лац. Rybčanka
Агульныя зьвесткі
Выток	сутокі Вязынкі і Гуйкі
Вусьце	Ілія
Краіны басэйну	Беларусь
Вобласьці	Менская вобласьць
Даўжыня	30 км
Сярэднегадавы сьцёк	3,9 м³/с
Плошча басэйну	518 км²
Нахіл воднай паверхні	1,7 ‰
Галерэя здымкаў у Вікісховішчы

Асноўныя прытокі

• Правыя: Удра, Канатопка
• Левыя: Бервячанка

На рацэ

• Мястэчка: Радашкавічы
• Зона адпачынку: Рыбчанка

Агульныя зьвесткі

Утвараецца на сутоках рэчак Вязынкі і Гуйкі ў мястэчку Радашкавічах, цячэ пераважна паўночнымі схіламі Менскага ўзвышша, упадае ў Ілію за 1,4 км на паўночны захад ад вёскі Беражка.

Даліна ў верхняй і ніжняй плыні трапэцападобная, яе вышыня 3—4 км, у сярэдняй плыні невыразная. Абалона на вялікім працягу двухбаковая (шырыня 0,5—1 км), парасла хмызьняком, забалочаная. Рэчышча зьвілістае, у межах мястэчка Радашкавічаў (1,5 км) каналізаванае, яго шырыня ў межань 15—17 км. У маляўнічай мясьціне на рацэ зона адпачынку Рыбчанка. Каля вёскі Раёўкі сажалка (плошча 0,15 км²)^[1].