Вярзбалаў

Вярзба́лаў (лет. Virbalis, пачатковая назва: Но́вая Во́ля) — горад у Летуве, у даліне ракі Шырвінты. Цэнтар староства Ваўкавішкаўскага раёну Мар’ямпальскага павету. Насельніцтва на 2020 год — 895 чалавек.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Новая Воля.

Вярзбалаў
лет. Virbalis
Герб Вярзбалава
Першыя згадкі:	XVI стагодзьдзе
Магдэбурскае права:	1593
Былая назва:	Новая Воля
Краіна:	Летува
Павет:	Мар’ямпальскі
Раён:	Ваўкавішкаўскі
Плошча:	4,6 км²
Вышыня:	79 м н. у. м.
Насельніцтва:	1205 чал. (2010)
Часавы пас:	UTC+2
летні час:	UTC+3
Паштовы індэкс:	LT-70061
Геаграфічныя каардынаты:	54°37′27.38″ пн. ш. 22°49′5.02″ у. д.
Вярзбалаў на мапе Летувы Вярзбалаў
Галерэя здымкаў у Вікісховішчы

Гісторыя

У навакольлі будучага Вярзбалава першыя паселішчы пачалі зьяўляцца ў 1422 годзе. Першыя згадкі пра Вярзбалаў датуюцца 1529 годам, калі ён быў пералічаны ў сьпісе паселішчаў Вялікага Княства Літоўскага. У гэты час паселішча мела назву Новая Воля. На 1561 год у мястэчку, сярод іншых, існавалі вуліцы Літоўская і Пруская^[1]. У 1593 годзе Вярзбалаў атрымаў Магдэбурскае права.

Па падзелах Рэчы Паспалітай горад трапіў у склад Расейскай імпэрыі. Хуткае разьвіцьцё Вярзбалава пачалося пасьля 1860 году, калі празь яго прайшла чыгунка Варшава — Санкт-Пецярбург.

У 1993 годзе быў зацьверджаны сучасны герб гораду.