Відзаўскі сельсавет

Ві́дзаўскі сельсавет — адміністрацыйна-тэрытарыяльная адзінка ў складзе Браслаўскага раёну Віцебскай вобласьці. Цэнтар савету — мястэчка Відзы (не ўваходзіць у склад савету).

Гісторыя

Створаны 8 красавіка 2004 году. Відзаўскаму сельсавету былі перададзеныя 75 вёсак скасаванага Відзаўскага пасялковага савету (за выключэньнем Відзаў і сельскіх населеных пунктаў у межах сельскагаспадарчага вытворчага каапэратыва «Бярозавы край»), 26 вёсак скасаванага Дрысьвяцкага сельсавету і 20 вёсак скасаванага Казянскага сельсавету.

17 сакавіка 2010 году ліквідаваныя хутары Аўштакальня і Калёнія^[1].

26 кастрычніка 2011 году ліквідаваныя населеныя пункты Балікі, Бержанішкі, Кірмялішкі, Кузьмішкі, Шлявішкі^[2].