Віктар Дайліда

Віктар Браніслававіч Дайліда (28 верасьня 1930, в. Славінск, Слуцкі раён, Менская вобласьць — 2006) — беларускі паэт і пісьменьнік. Бацька крытыка Лады Алейнік.

Віктар Дайліда
Асабістыя зьвесткі
Нарадзіўся	28 верасьня 1930(1930-09-28) Славінск, Ленінскі сельсавет, Слуцкі раён, БССР, СССР
Памёр	21 жніўня 2006(2006-08-21) (75 гадоў)
Пахаваны	Славінск
Дзеці	Лада Алейнік
Літаратурная дзейнасьць
Род дзейнасьці	паэт, пісьменьнік, дырэктар школы
Мова	беларуская мова[1]
Узнагароды	Выдатнік народнай асьветы БССР[d]

Біграфія

Нарадзіўся 28 верасьня 1930 году ў в. Славінск Слуцкага раёну Менскай вобласьці ў сялянскай сям’і. У 1952 годзе скончыў Баранавіцкі настаўніцкі інстытут.

Настаўнічаў у Пастарынскай сямігадовай школе. У 1957 годзе скончыў завочна факультэт беларускай мовы і літаратуры Менскага пэдагагічнага інстытуту імя Максіма Горкага. Быў намесьнікам дырэктара Ішкалдскай (1957—1959), дырэктарам Войкавіцкай (1959—1962) васьмігадовых школаў Баранавіцкага раёну, старшым рэдактарам на Берасьцейскай студыі тэлебачаньня (1962). У 1962—1973 гадох — дырэктар Чапліцкай сярэдняй школы Слуцкага раёну. У 1973—1982 гадох працаваў намесьнікам дырэктара Бюро прапаганды мастацкай літаратуры Саюзу пісьменьнікаў БССР. Сябра Саюзу пісьменьнікаў БССР з 1969 году^[2].

Некаторы час знаходзіўся на творчай працы, а ў 1988—1989 гадах — старшыня каапэратыву «Белая Русь».

Памёр у 2006 годзе.

Творчасьць

У друку выступае з 1953 году. Аўтар зборнікаў аповесьцяў і апавяданьняў «Вясна, хлопцы, вясна» (1966), Была вайна (1969), «Буслы над вёскай» (1979), кнігі для дзяцей «Сустрэча з маленствам» (1980).

Узнагароды

• Выдатнік народнай асьветы БССР (1968).