Віктар Каваленка

Ві́ктар Анто́навіч Кавале́нка^[1] (21 ліпеня 1929, в. Сакаўшчына, Валожынскі раён — 17 жніўня 2001) — беларускі крытык, літаратуразнавец, празаік. Акадэмік НАН Беларусі (1994).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Каваленка.

Віктар Каваленка
Асабістыя зьвесткі
Нарадзіўся	21 ліпеня 1929(1929-07-21) Сакаўшчына, Валожынскі павет[d], Наваградзкае ваяводзтва, Польская Рэспубліка
Памёр	17 жніўня 2001(2001-08-17) (72 гады) Менск, Беларусь
Літаратурная дзейнасьць
Род дзейнасьці	літаратуразнаўца, пісьменьнік, літаратурны крытык, крытык, празаік
Узнагароды	Літаратурная прэмія імя Якуба Коласа (1980)

Жыцьцяпіс

Навучаўся ў Лідзкай пэдвучэльні, якое закончыў у 1948 годзе. Потым скончыў Менскі пэдагагічны інстытут (1953). Доктар філялягічных навук (1978).

3 1958 годзе працаваў у Інстытуце літаратуры АН Беларусі, у 1982—1997^[1] гг. — дырэктар.

Творчасьць

Аўтар кніг крытыкі і літаратуразнаўства «Пошукі і здзяйсненьні» (1963), «Давер» (1967), «Прага духоўнасьці» (1975), «Праблемы сучаснай беларускай крытыкі» (1977), «Жывое аблічча дзён» (1979), «Покліч жыцьця» (1987) і інш., раману «Падвышанае неба» (1975).

Аўтар больш за 200 навуковых прац, зборнікаў літаратурна-крытычных артыкулаў, у тым ліку 11 манаграфій. Яго працы, прысьвечаныя творчасьці З. Бядулі, Я. Коласа, І. Шамякіна, літаратурнаму працэсу XIX ст. — пачатку XX ст. адрозьніваюцца канцэптуальнасьцю, навізной пастаноўкі праблем, актуальнасьцю, шматграннасьцю навуковых рашэньняў, глыбінёй і гістарызмам дасьледаваньняў. Дасьледаваў працэс паскоранасьці ў разьвіцьці беларускай літаратуры, роля ў ёй нацыянальна-самабытных вытокаў і ўплывы суседніх літаратур^[2].

Асноўныя працы

• Шляхі разьвіцьця беларускай савецкай прозы. Мн.: Навука і тэхніка, 1972
• Вытокі. Уплывы. Паскоранасьць. Мн.: Навука і тэхніка, 1975.
• Праблемы сучаснай беларускай крытыкі. Мн.: Навука і тэхніка, 1977.
• Міфа-паэтычныя матывы ў беларускай літаратуры. Мн.: Навука і тэхніка, 1981.
• Общность судеб и сердец. Мн.: Наука и техника, 1985.
• Покліч жыцьця: Літ. крытыка. Мн.: Мастацкая літаратура, 1987.
• Веліч праўды: Выбранае. Мн.: Мастацкая літаратура, 1989.

Узнагароды

Ляўрэат Дзяржаўнай прэміі БССР імя Якуба Коласа (1980). Заслужаны дзяяч навукі БССР (1981).