Віктар Фішэр

Ві́ктар Фі́шэр (па-дацку: Viktor Fischer‎; нар. 9 чэрвеня 1994 году, Оргус, Данія) — колішні дацкі футбаліст, нападнік. Гулец нацыянальнай зборнай Даніі. Віктар ёсьць унукам дацкага футбаліста Поўля Пэдэрсана. Фішэр аддаваў перавагу выкарыстаньню левай нагі ў якасьці асноўнай^[4]. За часам выступаў у складзе амстэрдамскага «Аякса» лічыўся адным з самых пэрспэктыўных футбалістаў сьвету, але ягонай кар’еры ўсьцяж перашкаджалі траўмы. У выніку, заўчасна скончыў кар’еру праз пашкоджаньні ў веку 29 гадоў^[5][6].

Вікіпэдыя мае артыкулы пра іншых асобаў з прозьвішчам Фішэр.

Віктар Фішэр
Пэрсанальная інфармацыя
Нарадзіўся	9 чэрвеня 1994(1994-06-09)[1][2][3] (31 год) Оргус, Данія
Рост	180 см
Вага	71 кг
Пазыцыя	нападнік
Клюбы
Гады	Клюб	Гульні (галы)¹
2012—2016	Аякс	74 (23)
2016—2017	Мідлзбра	13 (0)
2017—2018	Майнц	10 (0)
2018—2021	Капэнгаген	89 (21)
2021—2023	Антвэрпэн	25 (3)
2023	→ АІК Стакгольм	8 (0)
Зборныя
2011	Данія (да 17)[d]	30 (20)
2011—2012	Данія (да 19)[d]	6 (3)
2012—2016	Данія (да 21)[d]	7 (2)
2012—2018	Данія	21 (3)

Кар’ера

Клюбная

Пагуляўшы ў юнацкіх камандах «Оргусу» й «Міт’юляну» ў роднай Даніі, Віктар Фішэр далучыўся да моладзевай каманды «Аяксу». Там ён гуляў за юнацкую каманду, падпісаўшы затым 3-гадовы кантракт, які зьвязаў яго з клюбам да 30 чэрвеня 2014 году. Хутка прагрэсуючы, гулец прыцягнуў увагу функцыянэраў з «Чэлсі», «Інтэру» й «Манчэстэр Сіці».

Дэбют Фішэра ў чэмпіянаце Нідэрляндаў адбыўся 20 кастрычніка 2012 году, калі ён выйшаў на замену на 84-й хвіліне матчу з «Гэраклесам», які завяршыўся зь лікам 3:3^[7]. У хуткім часе Віктар стаў асноўным гульцом амстэрдамскага клюбу.

Міжнародная

Фішэр дэбютаваў за зборную Даніі 14 лістапада 2012 году ў таварыскім матчы супраць зборнай Турэччыны, выйшаўшы на замену замест Мікаэля Крон-Дэлі на 66 хвіліне.

Дасягненьні

«Аякс»:

• Чэмпіён Нідэрляндаў: 2013
• Уладальнік Супэркубка Нідэрляндаў: 2013

«Капэнгаген»:

• Чэмпіён Даніі: 2019