Вікторыя (кронпрынцэса Швэцыі)

Вікторыя Інгрыд Аліс Дэзірэя з дынастыі Бэрнадотаў (па-швэдзку: Victoria Ingrid Alice Désirée av huset Bernadotte; нарадзілася 14 ліпеня 1977, Стакгольм) — кронпрынцэса Швэцыі й герцагіня Вэстэр'ётлянду. Зьяўляецца дачкой караля Швэцыі Карла XVI Густава й каралевы Сыльвіі, а таксама старэйшай сястрой прынца Карла Філіпа й прынцэсы Мадлен. Пры народжаньні мела тытул прынцэсы, бо каралеўская ўлада ў Швэцыі дагэтуль пераходзіла толькі па мужчынскай лініі. Аднак пасьля зьменаў, унесеных Рыксдагам (парлямэнтам) у асноўны закон краіны 1 студзеня 1980 году, якія прадугледжваюць, што спадчыннасьць стальцу пераходзіць да старэйшага дзіця незалежна ад полу, яна стала кронпрынцэсай.

Вікторыя Інгрыд Аліс Дэзірэя
кронпрынцэса Швэцыі, герцагіня Вэстэр’ётляндзкая
Кронпрынцэса Швэцыі Вікторыя ў 2013 годзе
кронпрынцэса Швэцыі
1 студзеня 1980 — цяперашні час
Асабістыя зьвесткі
Імя пры нараджэньні	Вікторыя Інгрыд Аліс Дэзірэя
Нарадзілася	14 ліпеня 1977, Стакгольм
Нашчадкі	дачка прынцэса Эстэль сын прынц Оскар
Дынастыя	Бэрнадоты
Сужэнец	Даніель Швэдзкі[d][1]
Бацька	кароль Карл XVI Густаў
Маці	каралева Сыльвія
Узнагароды
Подпіс

Сям’я

19 чэрвеня 2010 году Вікторыя выйшла замуж за свайго былога фітнэс-трэнэра Даніэля Вэстлінга, які паходзіць са звычайнай швэдзкай сям’і. З гэтага часу ён мае тытул Даніель, прынц швэдзкі й герцаг Вэстэр’ётлянду. 23 лютага 2012 а 04:26 па швэдзкім часе кронпрынцэса нарадзіла ад яго дачку^[2]. Нованароджаную прынцэсу назвалі Эстэль Сыльвія Эва Мары, яна мае тытул герцагіні Эстэр’ётляндзкай і зьяўляецца другой у парадку швэдзкай спадчыннасьці стальцу адразу пасьля сваёй маці. 2 сакавіка 2016 году ў кронпрынцэсы Вікторыі й прынца Даніеля нарадзіўся сын^[3] Оскар Карл Улёф, які мае тытул герцага Сконэ і зьяўляецца трэцім у парадку швэдзкай спадчыннасьці стальцу.