Віталь Жукоўскі

Віта́ль Леані́давіч Жуко́ўскі (нар. 17 траўня 1984 году, Міханавічы, Менская вобласьць) — беларускі трэнэр і колішні футбаліст. Доўгі час працаваў галоўным трэнэрам «Іслачы», зь якой прайшоў шлях ад аматарскай дружыны да клюбу Найвышэйшай лігі.

Віталь Жукоўскі
Пэрсанальная інфармацыя
Нарадзіўся	17 траўня 1984(1984-05-17) (41 год) Міханавічы, Менскі раён, Менская вобласьць, БССР, СССР
Пазыцыя	абаронца, паўабаронца
Клюбы
Гады	Клюб	Гульні (галы)¹
2001—2002	БАТЭ
Трэнэрскія клюбы
2010—2020	Іслач
2021	БАТЭ
2022—2024	Атыраў
2025	Туран
2025—4	Атыраў

Кар’ера

Гульнявая кар’ера Жукоўская скончылася ў канцы 2002 году сур’ёзнай траўмай, атрыманай падчас гульні за рэзэрвовую дружыну барысаўскага БАТЭ. Правёўшы некалькі гадоў па-за межамі футболу, у 2010 годзе ён далучыўся да «Іслачы», якая на той час была аматарскай камандай і брала ўдзел у розыгрышах чэмпіянату Менскай вобласьці. Атрымаўшы падрымку заснавальніка і ўладальніка «Іслачы» Ўладзімера Пінчука, Жукоўскі пачаў будаваць прафэсійны клюб. У выніку ў 2016 годзе «Іслач» узьнялася да Найвышэйшай лігі. Жукоўскі на той час лічыўся маладзейшым трэнэрам чэмпіянату. У 2019 годзе атрымаў трэнэрскую катэгорыю УЭФА Про^[1]. У элітным дывізіёне адмыловец паляпшаў вынікі каманды, якая ў сэзоне 2019 году заняла 5 месца, а ў 2020 годзе дайшла да фіналу Кубка Беларусі. У сьнежні 2020 году быў запрошаны ў барысаўскі БАТЭ, але праз год быў звольнены з пасады. Празь некаторы час ачоліў казаскую каманду «Атыраў»^[2]. У студзені 2025 году прызначаны галоўным трэнэрам казаскага «Турану»^[3]. У чэрвені 2025 году сышоў з пасады, а клюб таксама пакінулі беларускія асыстэнты Павал Плют і Андрэй Місюк. Зь імі «Туран» набраў 11 пунктаў у 13 турах чэмпіянату Казахстану. Пасьля гэтага трэнэр вярнуўся ў «Атыраў», які займаў апошні радок табліцы^[4].

Дасягненьні

• Уладальнік Кубка Беларусі (1):
  • 2021