Андрэй Місюк

Андрэй Місюк (нар. 20 сакавіка 1981 году) — колішні беларускі футбаліст, паўабаронца. Цяпер працуе трэнэрам.

Андрэй Місюк
Пэрсанальная інфармацыя
Нарадзіўся	20 сакавіка 1981(1981-03-20)[1] (44 гады) Горадня, БССР, СССР
Рост	178 см
Вага	71 кг
Пазыцыя	паўабаронца
Клюбы
Гады	Клюб	Гульні (галы)¹
2001—2004	Камунальнік[d]	100 (22)
2005—2007	Дарыда	71 (8)
2008—2009	Гомель	54 (4)
2010	Белшына	20 (0)
2011	Партызан Менск	27 (2)
2012—2013	Гарадзея	40 (3)
2014—2016	Іслач	76 (17)

Кар’ера

Гульнявая

Выхаванец гарадзенскай СДЮШАР-6, выступаў за «Нёман-2» у Другой лізе, а ў 2001 годзе далучыўся да слонімскага «Камунальніка». У 2005—2010 гадах выступаў у Найвышэйшай лізе за «Дарыду», «Гомель» і «Белшыну». У сэзоне 2011 году гуляў у Першай лізе за менскі «Партызан» і дапамог яму вярнуцца ў Найвышэйшую лігу, але клюб спыніў існаваньне, а Місюк далучыўся да «Гарадзеі».

У сакавіку 2014 году перайшоў у «Іслач»^[2]. У наступным годзе дапамог «Іслачы» перамагчы ў Першай лізе. Завяршыў кар’еру пасьля сэзону 2016 году і ўвайшоў у трэнэрскі штаб «Іслачы»^[3].

Трэнэрская

У студзені 2017 году пачаў працаваць трэнэрам у структуры «Іслачы»^[4], дзе цягам чатырох гадоў дапамагаў Віталю Жукоўскаму. У жніўні 2019 году атрымаў трэнэрскую ліцэнзію катэгорыі B^[5], у сьнежні 2021 году — трэнэрскую ліцэнзію катэгорыі A^[6]. У студзені 2021 году ўсьлед за Жукоўскім далучыўся да трэнэрскага штабу барысаўскага БАТЭ^[7]. Па заканчэньні сэзону разам з Жукоўскім пакінуў барысаўскі клюб^[8].

У жніўні 2022 году вярнуўся ў «Іслач» трэнэрам юнацкай каманды 2008 году нараджэньня^[9], аднак хутка ў якасьці трэнэра па фізычнай падрыхтоўцы ўвайшоў у штаб Жукоўскага, прызначанага галоўным трэнэрам казаскага клюбу «Атыраў»^[10].

Статыстыка

Клюб	Сэзон	Чэмпіянат
		Дывізіён	Матчы	Галы
Іслач	2016	Найвышэйшая ліга	18	1