Віталь Тарас

Віталь Тарас (6 траўня 1956, Менск — 18 студзеня 2011, Менск) — беларускі журналіст, публіцыст. Сябра Саюзу беларускіх пісьменьнікаў.

Віталь Тарас
Асабістыя зьвесткі
Нарадзіўся	6 траўня 1956 Менск
Памёр	18 студзеня 2011 Менск
Бацькі	Валянцін Тарас
Літаратурная дзейнасьць
Род дзейнасьці	журналіст, публіцыст
Значныя творы	«Звыклае зло», «Хроніка бягучых падзей»
Прэміі	Імя Алеся Адамовіча Беларускага ПЭН-цэнтру (1996)
Узнагароды	Прэмія імя Алеся Адамовіча (ПЭН-цэнтар) (1996)

Нарадзіўся ў сям’і пісьменьніка Валянціна Тараса. Пачаў друкавацца з 1973 году ў газэце «Знамя юности»^[1]. Скончыў журфак БДУ (1983)^[2].

Працаваў на Беларускім тэлебачаньні, у газэтах «Літаратура і Мастацтва», «Культура», расейскай «Общей газете», на радыё «Свабода», «Нашай Ніве». У шэрагах БАЖ з моманту заснаваньня.

З 2009 году^[2] — сябра Беларускага ПЭН-цэнтру.

Творы

• «Звыклае зло» — кніга публіцыстыкі
• «Хроніка бягучых падзей» — кніга публіцыстыкі

Узнагароды

Ляўрэат прэміі імя Алеся Адамовіча Беларускага ПЭН-цэнтра за 1996 год.