Віцьба

Ві́цьба — рака ў Беларусі, левы прыток ракі Дзьвіны. Цячэ ў Віцебскім раёне. Даўжыня 33 км. Плошча вадазбору 275 км². Выдатак вады ў вусьці 1,8 м³/с. Сярэдні нахіл воднай паверхні 2,9 ‰.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Віцьба (неадназначнасьць).

Рака

Віцьба лац. Vićba
Віцьба ў гістарычным цэнтры Віцебску
Агульныя зьвесткі
Выток	каля в. Паддуб’е
Вусьце	Дзьвіна
Краіны басэйну	Беларусь
Вобласьці	Віцебская вобласьць
Даўжыня	33 км
Сярэднегадавы сьцёк	1,8 м³/с
Плошча басэйну	275 км²
Нахіл воднай паверхні	2,9 ‰
Галерэя здымкаў у Вікісховішчы

Асноўныя прытокі

• Правыя: Сільніца
• Левыя: Горнаўка

На рацэ

• Места: Віцебск

Агульныя зьвесткі

Парк у Віцебску на рацэ Віцьба (2021 год)

Пачынаецца за 3 км на ўсход ад вёскі Паддуб’я, цячэ ў межах Віцебскага ўзвышша. У ніжняй плыні на працягу 5 км цячэ ў межах Віцебску, дзе і ўпадае ў Дзьвіну^[1].

У яе сутоках зь Дзьвіной, паводле Віцебскага летапісу, у 974 годзе заснавалі места.

Каб папоўніць Віцьбу чыстай вадой, з 1991 году ствараецца водная сыстэма дзеля перакідваньня вады з кар’ераў вытворчага аб′яднаньня «Даляміт».